Nommer 92

DIS mos Afrikaans!

28 Junie 2006

Welkom aan alle nuwe intekenare!

Ek krap toe op my rekenaar rond en kom op hierdie artikel van Minette af, ek is redelik seker dat ek dit nie vantevore gebruik het nie, in alle gavel, hier is hy:

Minette is nou nie meer in Windhoek nie maar het na Stellenbosch verhuis, ek hoop maar dat sy eendag weer sal begin skryf.

Boesmanbid
Minette Brink

DIT is die maand Oktober. Glo die mooiste, mooiste maand met viooltjies in die voorhuis en al daai stroperige digters-treurmares.
Dit is die maand Oktober. Naas Kersfees die tydperk met die hoogste selfmoordsyfers.
Dis nie ʼn lekker onderwerp nie, maar soms moet ʼn mens maar die feite in die oge kyk. En nooit sal ʼn mens al die antwoorde kry nie. Hoekom is ons hier, wat is ons doel, het die Here ons verlaat en sommer al Sy engele ook saamgevat en kyk hoe lyk die wêreld nou.
Daar is tye wat die vrae net te veel raak en die slaap net te min raak. En iewers tussen in hang ons verward oor die waantoe (waan toe) nou. Ons word ouer, sien elke dag die tekens in die spieël en steeds het ons nie ʼn aks nader aan die antwoord gekom nie.
Sien nie eers ʼn stukkie lig op die horison nie. Ons is nie depressief of morbied of kwaad of hartseer nie. Net dom verward en lam van moeg. Van diesêlle van elke dag, van wonner oor die gewonner. Nie eers Desember se uitspan ommie draai kan die mondhoeke tot nuwe hoogtes inspireer nie.
En dan sal ons iewers in die nanag ons neuse vanself voel wikkel, ons lywe skielik koeler raak en ons voete vanself tot by die oop venster loop. Die kantgordyne eenkant skuif en verwonderd staan en ruik en voel en sug.
Want dit reën. Vir die eerste keer. En skielik is ons die eerste mense in die paradys, voor die groot swig vir Adam en sy appel. Volmaak. En lig. En lewendig.
Oppad waan toe die volgende dag, is almal stadiger, gemoedeliker, vriendeliker, sagter, mooier.
En Jakarandas het hemelse pers konfetti oor alles gestrooi. ʼn Huwelik tussen seisoene. En ons los die gewerk en geworry oor die niks en gaan staan buite in die sagte reën en steek ons tonge uit en proe die lewe.
Terwyl ons soos die kinders wat ons jare terug was en eintlik nog steeds is, in die poele spring en op die sypaadjie dans. Om uitasem met bloedrooi wange laggend in die kantoor terug te skarrel. En die eerste pos met nuwe moed beginne lees.
Die Boesman se Onse Vader, geskryf deur P.J. van den Heever:
“Onse Vader wat doer êrns vêr bo in die bloulug is, diese warm dag wil ikke op myse kniege tot U kom bid: Lat U se koningskap tog by ons kom, en lat U se grootheid hier tissen ons staan gemaak kan worre, en lat U se wil gebeure doer bo by U rond, net so gebeure hier by ons Boesm’land se grond. Gee ons vandag onse tjai-impie kos en vergewe ons, onse sondige gemors, sos ons die ander minse sin vergeef. Here lat die kwaad doen goerterse wye draaie om ons loop en gee tog samblief Here lat die duwel nie naby kom nie. Die minse doen sulke lelike goerters teen my, maar help tog samblief dat ik dit nie sal raak sien nie, dan sal U mos ok nie myne raak sien nie. U is vir altyd en vir altyd. Amene my groot Kroon.”
Dit is die maand Oktober.   

Ons kampeer nogal gereeld en ek het nou besluit om 'n kampkos resepte eBoek saam te stel. Maar ek het hulp nodig, stuur vir my asseblief van julle lekker kampeer resepte en ek sit dit saam in een boek.

Die boek is nou gereed en jy kan hier daarna gaan kyk. Ek gaan egter resepte bysit soos ek hulle ontvang, so stuur maar nog aan, asseblief. As jy die boek in eBoek formaat per epos wil ontvang,
vra maar net en ek stuur dit aan vir jou

Ek is ook nou besig om 'n resepteboek oor toebroodjies saam te slaan, dit sluit gewone toebroodjies, jaffles, snackwiches en basies enigiets wat op brood geniet kan word. Die naam sal wees Wille Samies en ek soek iets "anders", so as julle 'n Wille Samie het, stuur vir my die bestanddele en ek sit dit in die boek!

Ek het 'n reisigersforum begin. Enigiemand wat wil gaan rondry of pas teruggekom het van 'n lekker vakansie kan of 'n vraag vra of van hulle vakansie vertel, klik hier en gaan lees wat ander alreeds geskryf het.

Sjoe, ek sien die UK Lottery het weer 8 miljoen Britse pond uitbetaal hierdie afgelope naweek, dis darem maar 'n allemintige klompie Rand! Dis maklik om 'n kaartjie vir die volgende trekking te kry,
klik net hier

Hier is die ideale geskenk vir jou vriende oorsee (en ook plaaslik!), Boererate (Home Remedies) nou as eBoek, ook in Engels! Ek stuur dit aan jou per epos en jy stuur dit dan ook per epos, geen duur posgeld om te betaal nie. Net R75 vir bykans 2000 Boererate. Stuur my epos vir betalingsbesonderhede.

Die Home Remedies is ook tesame met my Traditional South African Recipes op CD beskikbaar teen R96 (US$22) posgeld ingesluit. Stuur vir my epos vir betalingsbesonderhede.

 
Suid Afrika se Afrikaanse soekenjin

ePos Vriende - In die ou dae voor die internet het ek vele penvriende regoor die aardbol gehad. Jy moes weke wag vir 'n antwoord op jou brief! Vandag, met ePos gaan dinge sommer blitsvinnig! Mens moet egter in baie gevalle betaal om jou naam op 'n penvriend lys te kry. Ek glo nie daarin om vir vriendskap te betaal nie, dus gaan ek 'n gratis "ePos Vriende" afdeling begin. Al wat jy hoef te doen om jou gegewens op die lys te kry is om HIER te klik en jou besonderhede in te tik. As jy soek na 'n vriend, klik HIER en gaan deur die lys en stuur 'n epos aan iemand met wie jy wil korrespondeer, so maklik soos dit! Die eerste 20 inskrywings kry elkeen 'n gratis kopie van my Tradisionele SA Resepte eBoek!

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!
Ek het nou die dag 4 nommers ingehad, hulle betaal dit sommer aan jou per tjek in Rand!

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Weet jy, ek ontvang nou die dag ‘n briefie van iemand wat die volgende vra:

“Hoe kan ek sukses behaal? Dit voel of alles wat ek aanpak net vol mislukking is. Ek is soos ‘n vrot appel en kan niks reg doen nie.”

Jy sal met my saamstem dis nogal ‘n vraag wat die meeste van ons een of ander tyd vra. En ek weet dis vir jou belangrik om sukses te behaal.

Daar is sekerlik ‘n klomp wenke, raad, planne, strategieë en resepte vir sukses. Maar ek gaan jou nie verveel met dit alles nie, maar net so drie dinge uitlig om jou aan die dink te sit:

Wenners se wenke vir sukses:
Richard Branson die flambojante Britse biljoenêr het die volgende wenk: “Business opportunities are like buses, there’s always another one coming.” En dis sy uitgangspunt. Klim in en doen die ding. Maak jy foute, daar kom weer nuwe geleenthede. Vele van Branson se projekte het misluk soos Virgin Vodka wat besigheidsgewys misluk het. Dieselfde het met Virgin Cola gebeur. Ook Vrgin Cinemas. Ook Virgin Cars. Kry jy die punt? Jy mag misluk en jy mag groot misluk. Gebore uit die mislukkings vind jy vastrapplek om ‘n sprong na groot sukses te maak.

Donald Trump die Amerikaanse biljoenêr gee die volgende wenk: “Watch, listen, and learn.” Trump het die vermoë ontwikkel om baie fyn waar te neem en dan ‘n sekere persepsie daargestel. Hy het die vermoë ontwikkel om mense sy standpunt te laat insien, en dit dan te gebruik om sy miljoene te maak. Met ander woorde fyn observasie om ander te verstaan en dan die situasie tot sy voordeel te manipuleer. Hy sou mense kon oortuig dat ‘n projek nie sonder hom suksesvol sal verloop nie. Deurdat hy hierdie tegniek bemeester, slaag hy daarin om groot sukses byvoorbeeld in die eiendomsmark te behaal. Die vraag is hoe goed kan jy luister en observeer, en dit dan inspan om ander van jou waarde te oortuig. Kry jy reg om dit te bemeester, het jy een bestanddeel in die wenresep van ‘n multibiljoenêr jou eie gemaak.

Kom ons voeg darem ‘n suksesvolle Suid-Afrikaner by, naamlik Gary Player met sy befaamde woorde: “The harder you practise the luckier you get.” Player het ‘n sterk werksetiek. Hy sê dat niks groots in die lewe word bereik sonder harde werk nie. En sy rekord getuig van die waarheid hiervan. Meer as 160 toenooie wat hy wêreldwyd gewen het. Hy is een van slegs vyf golfspelers in die geskiedenis van golf wat daarin kon slaag om al vier die Grand Slam toernooie te wen. Hierdie wenk is beslis ‘n groot regmerk in my boekie van suksesresepte.

Wanneer jy ernstige hartprobleme het en moontlike ‘n hartoorplanting moet ondergaan. Wie gaan jy konsulteer – jou vriend wat om die draai van jou bly of Dr Kwak? Of sal jy die beste hartspesialis se insig, advies en hulp te kry?

Nou ja, hier is drie van die wêreld se mees suksesvolle mense elk vir jou met ‘n wenk vir sukses. Luister jy na jou maat se raad, of maak jy gebruik van die advies van super suksesvolle mense?

Die keuse is joune.

‘n Sprankie wysheid vir die dag
“Toe ek jonk was, het ek agtergekom dat nege uit die tien dinge wat ek doen, mislukkings was. Dus het ek tien keer harder gewerk.” – George Bernard Shaw 
 
Dr ST Potgieter
Tel: 021 949 5007
Sel: 083 227 3683
Epos: st@pitkos.co.za

Webwerf soeklig

My Webwerf se Soekenjin

'n Tikkie Humor

 Op 'n plattelandse dorp waar die inwoners hoofsaaklilk Afrikaans magtig is en gedurende 'n wintermaand toe verkoue erg in die omloop was, was die predikant baie omgekrap dat sy aandag gedurende eredienste onderbreek word deur gemeentelede se hoesbuie. Hy bespreek toe die probleem om 'n oplossing te vind met sy koster wat Engelssprekend is. Die koster gaan koop toe 'n groot bottel hoesstroop by die apteek.
Die volgende Sondag as iemand hoes, staan die koster op en gaan gee vir die persoon 'n lepel hoesstroop in en se vir hom iets in sy oor waarna die persoon opstaan en uit loop. So hou dit aan en die kerk is later byna leeg.

Na die diens vra die dominee vir die koster wat hy dan vir die mense gese het dat hy later vir 'n byna lee kerk moes preek. Die koster se hy het net vir hulle gese, "For cough".

Die Resep(te)

My Kampkos resepteboek is nou gereed en vir die volgende paar weke sal ek kamp resepte hier insit.

·  Vinnige poeding: Sny piesangs (in die skil) in die lengte oop, maar moenie dwarsdeur sny nie. Stip die binnekant met botter en besprinkel met bruinsuiker. Braai tot gekarameliseer en die skil swart is. Sit voor met botterkaramelsous en vanieljeroomys.

·  Vir 'n voorgereg, marineer groot garnale in gelyke hoeveelhede olie en suurlemoensap. Voeg fyngedrukte knoffel, sojasous en heuning na smaak by en braai vinnig tot net gaar. Geur met sout en peper en sit voor op vars roket, komkommerlinte of babaspinasie. Drup van die orige marinade oor as slaaisous.

·  As slaai of bykos, braai aspersies op 'n warm roosterplaat tot sag en gaar. Bedruip met olyfolie. Geur met sout en peper en drup balsamiese asyn oor. Sit voor met 'n tamatie en soetrissiesalsa.

·  Draai 'n heel brie of camembert in 'n dubbellaag geoliede foelie toe en braai oor lae hitte tot sag. Sit dit voor met stukke geroosterde Franse brood om in die kaas te doop. Om dit as nagereg te bedien, sit voor met beskuitjies en konserf, soos groenvye of kumkwarte.

·  Lekker met enige seekos, is geroosterde sitrus. Halveer suurlemoene of lemmetjies en plaas met die gesnyde kant na onder op 'n geoliede roosterplaat. Braai tot goudbruin aan die onderkant. Sit voor met gebraaide vis of ander seekos soos calamari of garnale. Die warm suurlemoene gee meer sap en dit het dan 'n lekker, geroosterde geur.

·  Gee gebraaide vis 'n slag nuwe geur. Meng 45 ml basiel- of tamatiepesto, 2 ml vars gemaalde swartpeper, 5 ml fyngerasperde suurlemoenskil en 15 ml suurlemoensap en smeer oor die vis voor en terwyl dit gebraai word. Sit voor met aartappels en slaai. 
 

Vriende van Boeremusiek

Kalie de Jager


Tel.: 012 5485654
Faks.: 012 5485654
Sell.: 0825788907
E-pos: kalie@telkomsa.net
Webblad: http://kalie.boeremusiek.net

Die Danville Hulp Groep

.
Goeiemôre vriende,

Lekker om terugvoer te kan gee wat vol dankbaarheid is. Weereens baie dankie aan almal wat gehelp het om die projek weer behoorlik op dreef te kry. Die "blessings" is so groot, dat mens partykeer skaam kry omdat jy bekommerd was!

Dit gaan by al die projekte op 'n drafstap! Net gou bietjie terugvoer:-

Bloudakkies ouetehuis

Man hier gaan dit nou behoorlik vir jou lekker! Elke Dinsdag kry die oumense 'n heerlike bord gekookte kos - uit die boonste rakke! Die ou dames gebruik al hul "beste resepte" - so jy kan net dink aan die heerlike boere kookkos wat daar voorberei word met so bietjie gesonde kompetisie onder die vrouens!.

Al hoe meer bejaardes begin nou ook betrokke raak by die projek. Die wat nie help kook nie - het nou begin truitjies brei vir die kinders. Ander brei en maak oortreksels vir die warmwatersakke. Ek was lekker verras met die pragtigste baaidjies met kepsies aan wat een van die ou dames sommer uit haar eie gemaak het - te pragtig. Een tannie het die mooiste bedsokkies gebrei en geskenk. En dit is hiermee wat ons ook 'n groot verskil in hulle lewens kan maak. Hulle raak nou betrokke en sit nie heeldag in die huisies nie! Interaksie so tussen die koppies tee en eetgoed ( ek begin nou ook lekker uitrys van al die koek en tee daar!!!!) is net die regte ding

Ons benodig die volgende by die ouetehuis as daar dalk iemand is wat met van die artikels kan help:-

Naaldwerkmasjiene - Omkapmasjiene - materiaal - garing - "batting" - wol - 'n vrieskas - 'n stoof - 'n yskas - toiletware ens

Andeon projek

Hier woel dit ook. Baie, baie dankie aan die dame wat 'n houthuisie vir ons geskenk het. Dit was behoorlik vir jou 'n seëning. Almal is nou onderdak en veilig. Ek het op die oomblik 'n tengerige/sieklike, eensame vroutjie daar in 'n stukkende/gehawende karavaan - ons het vir haar ook 'n houthuisie nodig. Dit is nou nie so kritiek nie, maar dit sal goed wees as ons haar in 'n huisie kan sit met 'n deur wat kan sluit!

Ons het 28 sakkies aartappels uit hulle groente tuin geoes en teen R15 per sakkie verkoop. Dit het gehelp om so 'n paar rand in die wat betrokke by "operasie mazamban" was, se sakke te sit! Kyk nou net!

Ons het sinkplate dringend nodig vir die opelug badkamers asb - as jy 'n paar het wat rondlê - gooi maar oor asb

Rainbow projek

Hier gaan die lewe ook weer sy normale gang. Ons het dames gekry wat gaan help om die kombuise by altwee die bedienings op te knap! Baie dankie daarvoor - dit is werklik baie nodig.

Emmanuel projek

Hierdie projek is somtys ook maar grondpad-agtig! Die mense in Elandspoort se behoeftes en swaarkry is groot! Ons probeer help waar ons kan - maar somtyds wens mens jy kon net die horlosie terugdraai om werklik 'n verskil te kon maak! Maar ons sal aanhou en uithou!

Rainbow Kleutergroep

Ouliker as hierdie goedjies kan jy nie kry nie! Hulle is bekkig, slim en sommer net pragtig! - wil hulle sommer opeet! Die juffrouens doen wonderwerke daar onder leiding van Attie en 'n mens sien daagliks hoe die outjies ontwikkel en vooruitgaan. Wat 'n vreugde!

Pres. Kruger Kinderhuis

Hierdie kinders is voorwaar baie gelukkig om in hierdie kinderhuis te wees. Die liefde, sorg en aandag wat hulle hier ontvang is ongelooflik! Daar is baie nuwe outjies wat 'n mens nogal hartseer maak. In plaas dat die situasies verbeter - is daar al hoe meer kinders wat nie goed versorg word nie! Wat is dit met ons ouers????

Ons sal graag weer in Augustus wil begin kamp - met die kinderhuis seuns heel eerste. Ek hou julle op hoogte.

Algemeen

Ons het 'n weduwee met 3 kinders wat werklik nou behoorlike behuising nodig het! - Hulle woon nou al die afgelope 3 jaar in 2 klein houthuisies! Hierdie is 'n pragtige gesinnetjie, die ma beskerm en pas hierdie kinders soos goud op - hulle presteer op skool en het die mooiste maniere! Dit is werklik vir my 'n voorreg om by hulle betrokke te wees. Ek wil graag 'n groterige houthuisie vir hulle oprig en indien moontlik vir elkeen 'n slaapkamer inrig. Privaatheid is so noodsaaklik vir enige mens! Hulle verdien dit werklik en ek hoop dat ons dit sommer binnekort sal kan doen. Met die regte hulp en leiding is hier 3 kinders wat die vermoeë gaan hê om hulle uit hulle situasie uit te lig. Help my asb om hulle te help.

Ek het verlede week 'n hele ton suikersoet nartjies by 'n boer in Lyndenburg present gekry. My bakkie se as - amper gebreek! Maar nietemin, die hele volk het nartjies gekry en die oumense het sommer dadelik nartjie konfyt gemaak! Dit was nou vir jou 'n gedoente - het nogal vir baie pret gesorg! Sal die foto's volgende week op die webwerf hê.

Belfast Kinderhuis

Ons het môre 'n jeugdag funksie by hierdie kinderhuis. Gaan hulle bederf met heerlike eetgoed, speletjies en 'n gospel orkes gaan vir die musiek sorg. Elaine van Lydenburg het al die reëlings getref en ek glo dat dit 'n reuse sukses gaan wees. Ek sal volledig terugvoer gee volgende week. (Ek gaan die spookasem masjien beman - het julle al gesien hoe lyk spookasem op jou hare en "eyelashes??) Sal fotos neem vir die webwerf. Weet julle hoe koud is dit nege uur in die oggend in Belfast!!!!

Dit dan die nuus op hierdie stadium - ek hou julle op hoogte van al die verwikkellinge.

Nogmaals baie, baie dankie aan almal wat so getrou ons projek ondersteun. BAIE DANKIE vir julle groot naasteliefde - sonder dit kan ons projek nie bestaan nie.

Mooi loop

Elsabe
Bankbesonderhede:

Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za

PS Bel asb voor jy ry

Boereraat van die Week

Afrikaanse Lied

Snuffelhoekie

Soek jy plek om te gaan kampeer? Klik dan hier!

Druk jou speld op my besoekerskaart!

Kontak - Teken in/uit