Nommer 84

Afrikaans KOOK!!!

18 Jan 2006

Welkom aan alle nuwe intekenare!

Ek en 'n vriendin bespreek nou die dag watse kos vir ons lekker is, hier is 'n paar van my persoonlike gunstelinge, ek wonder wie se monde gaan nou water.  Skryf gerus en laat my weet of jy met my saamstem. Hierdie is in geen volgorde nie maar net soos dit by my opkom:

Koeksisters: Nie sommer enige koeksister nie. Toe ek jare gelede in Pretoria Noord in die bank gewerk het , het een van ons kliënte wat by Transvaal Industrial Foods gewerk het een keer per week vir ons koeksisters gebring. Hierdie was massiewe goed, maklik 25cm lank en DIK en so souserig. As jy hom byt moet jy versigtig wees of jy is vol sous!

Slap tjips: regte keffie-op-die-hoek se slaptjips met woestersous en asyn-mengsel oor, mildelik dat dit sommer so 'n dammetjie onder in die pakkie lê. Voor die tyd van russians was dit weense worsies by jou tjips. In Rustenburg het ons altyd Saterdag aande by Toni's Cafe by die stadsaal gaan chips en viennas koop en sommer almal uit die een pak gesmul, dan dit met Coke afgespoel.

Kerrie en rys: Jy kry twee soorte kerrie en rys, die wat jy by die kerkbasaar koop en die ware jakob. Daar is niks verkeerd met die kerkbasaar se kerrie nie maar ek is seker dat hulle een resep het wat hulle onder al die gemeentes uitdeel, want almal proe dieselle. Die ware jakob kry jy net by fensie plekke en in Natal. Natal se medium is ons in Transvaal se HOT. Natal se hot is oneetbaar vir ons vaalies. (Julle sal oplet dat ek in Transvaal woon en Natal toe gaan, mag van die gewoonte). REGTE kerrie word as volg bedien, die vleis in een bakkie, die rys in een bakkie en die sambals of byklanke soos ek dit noem elkeen in sy eie kleiner bakkie.  Dan moet daar nog roti ook wees. sambals moet insluit klapper, tamatie, uie, rosyne en mango atchar. En dit moet so effens warmer as medium wees, en nou moet julle my uitlos want ek wil op my kos konsentreer!

Biefstuk, eiers en tjips: Dis nou koningskos. Biefstuk moet lekker groot wees, nie te gaar nie, effens souserig. Ten minste twee gebakte eiers, die gele nog heel maar die wit gaar, en dan 'n hoop slap tjips. Byklanke is woestersous en tamatiesous, niks meer nie, en nou los jy my weer dat ek kan konsentreer!

Pannekoek: Die keer stem ek vir kerkbasaar pannekoek. Daardie tannie bak die beste pannekoek in die wêreld! Nie te dik, net lekker dun, dan mildelik met kaneelsuiker bestrooi en opgerol. As jy hom eet het die suiker al begin smelt en dit drup so uit. Njammies.

Boerewors: Elkeen se slaghuis verkoop die beste boerewors.  Hy moet net reg wees, van goeie vleis gemaak (jy moet jou slagter vertrou) Net genoeg spek, en hy moet oor die kole gebraai word! Jy moet groot stuk opsit want jy gaan gereeld proe! Ek is nie 'n pap-en-vleis persoon nie, gee my stuk boerewors met 'n dik sny vars brood, gebotter met uie en tamatiesous bo oor. En jy's reg, los my nou dat ek kan konsentreer!

Vetkoek: Vetkoek kan mens enige tyd eet. Jy kan hom net so eet, gebotter met stroop, met kaas en konfyt of met kerriemaalvleis. Maar jy moet hom GROOT maak, hy moet jou hand so toemaak.  In Rustenburg was daar 'n plek wat vetkoek hamburgers gemaak het, Vetkoek Den, weet nie of hulle nog bestaan nie, ek praat nou van jare gelede, jy moes BAIE honger wees om een van hulle op te eet!

En nou water my mond behoorlik!!

Elke nou en dan stuur iemand my iets waaraan ek sommer lekker lees. Die volgende kom van Janet Appel,  wat haarself in die vreemde bevind. Sy skryf: Verskoon maar my growwe afrikaans, eks 21 en al vanaf 2003 hier in Amerika en het geen afrikaanse geselskap nie.

Herfs

So het die somer aande stadig aan kouer geword hier in die noorde. Net soos my verlowing aan 'n Suid-Afrikaanse man hier in Amerika. My lewe het uit mekaar geval en net soos herfs wat haar wals gedoen het met derduisende akkerblare as haar skare. Het ek saam gedwarrel en voetjie-vir-voetjie saggies getrap waar ek grond gevat het en uiteindelik 'n gemaklike plek gevind om te rus.
Met my gypsy rompies en en bonkige krale,soos 'n opregtige Philly studente stadsmeisie, het ek vele romantiese herfsaande spandeer met my 28-jarige Amerikaanse mediese student. Verlange na die peperbome en jong studente in Stellenbosch is skielik vervang met goeie geselskap by moderne wyn, kaas en bier eetplekke waar Ken Forrester se petit-pinotage op die wynlys pryk vir $8 'n glas(vir 4 oz). Dit was nie lank nie en dit was als vervang met wol jasse en sneeu stewels. Warm Parmesan brood en Amish botter was skielik welkom op die eet tafel asook meelblom-vrye sjokolade koek met braam stroop in plaas van kersie-geurige italiaanse ys.
Vroee oggend treinritte is skielik afgerond met franse vanilje cappuchinos, wol jasse en sneeu stewels. Die kaggel brand en die menorah word aan gesteek terwyl almal saam sing. Uit my kamervenster sien ek 'n kersboom met helder liggies in die bure se tuin. Dit sal vanjaar maar moet dien as my kersboom.
'n Week na kersfees bring die posman 'n pakkie na die voordeur. Ma se kersgeskenk aan my. Nik Naks, tuisgemaakte fudge, pa se biltong, oom Jan van Spar se droewors, Melrose kaasblokkies met biltong in, Robertsons hoender speserye, Aromat, Peppermint Crisps en jelly tots. Moeder plaas gedroogte laventel van ons tuin in die boks en gelukkig snuffel geen hondjies my kos uit nie.
En skielik is ek dankbaar dat my wals my hier laat rus het ...

Dankie, Janet.
Stuur vir Janet epos, ek is seker sy sal dit waardrre om pos in Afrikaans te kry!

Die resep die keer kom van Mel. Sy is 'n Boerenooi en bevind haar ook in die vreemde. Dankie,  Mel

Vlooimark

Ek word gereeld gevra of ek bereid sal wees om op my webwerf te adverteer.  Kom ons kyk of dit aftrek sal kry, klik op die skakel hieronder en plaas jou gratis advertensie of snuffel maar net rond.

 
Suid Afrika se Afrikaanse soekenjin

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!

st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Terapie vir eensaamheid

 Vandag fokus ons op enkele maniere oor hoe jy eensaamheid in jou lewe kan hanteer en oorkom.

Dit is belangrik dat jy weet dat eensaamheid ‘n menslike emosie is en dat meeste mense dit een of ander tyd ervaar. Worstel jy met eensaamheid, onthou dan dat jy nie aan ‘n soort siekte of versteurdheid ly nie. Eensaamheid is iets wat jy kan verander.
Reik uit na mense. Moenie vir ander wag om na jou te kom en met jou te praat nie. Staan jy op en maak eerste kontak met ‘n ander persoon. Met ‘n glimlag of telefoonoproep kan jy reeds ‘n groot verskil maak. Luister aandagtig na wat iemand sê, vergeet ‘n oomblik van jouself en toon opregte belangstelling en empatie.
Bou goeie verhoudings deur ‘n vriend te wees vir iemand anders.
Skakel in by nuwe situasies. Sluit aan by ‘n klub of doen vrywillige werk vir ‘n organisasie. Raak betrokke by verenigings en klubs.
Wanneer daar niemand is wat saam met jou kan of wil gaan nie, gaan dan alleen. Moenie jouself weerhou van geleenthede net omdat jy alleen is nie. Dit is juis wanneer jy op jou eie inskakel by ‘n nuwe situasie of groep dat jy uit die web van eensaamheid loskom.
Stop om passief te wees en raak aktief.
Moenie emosionele seerkry of traumatiese gebeure van jou kinderjare of verlede onderdruk nie. Jy moet hiermee deel en ‘n oorwinning oor dit behaal.
Moenie skaam of bang wees om aan te klop vir hulp nie. Wanneer jy depressief en eensaam voel, praat met iemand wat sal luister.
Uit bogenoemde kan jy nou vir jou ‘n plan saamstel oor hoe jy die eensaamheid in jou lewe gaan aanspreek. Maar soos enige plan beteken dit niks indien jy nie werklik oorgaan tot die daad en aksie nie.

Pasop egter vir die slagyster om jou dag te vul met tientalle aktiwiteite. Mense met te besige programme probeer soms om van alleen-wees te vlug. Jy het steeds tye nodig om alleen te wees, sodat jy in kontak bly met jou eie self, hart en gevoelens.

Eensaamheid kan positiewe waarde hê. Deur die pyn van eensaamheid leer ek myself beter ken en ontdek ek die diepte van my eie-ek en menswees. Eensaamheid kan die kreatiewe inspirasie wees vir selfontdekking en persoonlike groei.

Kortom: eensaamheid kan oorkom en gewen word, en hanteer jy dit reg ontsluit dit nuwe moontlikhede en potensiaal in jou lewe.

 Dr ST Potgieter, sielkundige – webwerf http://www.pitkos.co.za

Dr ST Potgieter
Tel: 021 949 5007
Sel: 083 227 3683
Epos: st@pitkos.co.za

Lê 2006 se finansiële verpligtinge soos 'n berg voor jou?

Op soek na 'n huislening? Verlaag u verband koers!
Benodig u ekstra geld en het 'n bestaande huislening? Doen nou aanlyn aansoek vir 'n tweede verband!

Klik hier 
 

Webwerf soeklig

My Webwerf se Soekenjin

'n Tikkie Humor

Die apie sit in die boom en rook 'n daggazol toe die akkedis daar verbystap en die ding so aanskou.
"Hei, wat maak jy daar!" vra hy.

"Ek rook 'n zol, kom kry vir jou ook!" se die apie.

Die akkedis klim die boom op en sit saam met apie en rook. Die akkedis is naderhand dors en ky klim af en gaan drink water by die rivier wat by die boom verby vloei. En net daar val hy in....
Krokodil swem nader en vra aan die akkedis: "Wat gaan met jou aan?"
Die akkedis verduidelik dat hy saam met apie in die boom gesit en zol rook het, toe dors geword het en in die water geval het.
Die krokodil besluit on nader ondersoek te gaan instel en stap na die boom waarin apie sit, hy staan onder die boom en skree: "Hei daar!"

Die apie kyk af en roep verbaas uit: "Hei, my ou, hoeveel water het jy gedrink?"

Die Resep(te)

Mel in Aussie stuur my die een. Dankie, Mel, die resep lyk regtig oud!

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Die Danville Hulp Groep

Sel:  082 8282 551
Faks:  012 991 2073
www.danvillehulp.co.za
elecnet@mweb.co.za

BANKBESONDERHEDE
Danville Hulp Projek
FNB - Brooklyn
Takkode: 251 345
Tjek rek:   620 546 34128
Verw:  (Kos - of - Kersfees of dit waarvoor die donasie is asb)
 

Boereraat van die Week

Afrikaanse Lied

Snuffelhoekie

Soek jy plek om te gaan kampeer? Klik dan hier!

Druk jou speld op my besoekerskaart!

Kontak - Teken in/uit