Nommer 82

Afrikaans KOOK!!!

14 Des 2005

Sjoe, die jaar het darem gevlieg! En hierdie is ook die laaste brief vir 2005. Ek gaan bietjie uitspan tot vroeg 2006. Hoop om julle almal weer hier te sien.

Hiermee wens ek julle almal 'n vredevolle en vreugdevolle Kersseisoen!

 Ek hoop julle almal het die briewe die afgelope jaar geniet. Ek wil volgende jaar tyd spandeer en navorsing doen oor Tuiswerkgeleenthede en ook maniere om 'n inkomste uit die Internet te verdien. Biljoene mense het wêreldwyd toegang tot die Internet, die Amerikaners het so te sê Internetbemarking vervolmaak en die dollars rol net in. Sekerlik moet daar 'n manier wees om 'n snytjie van die koek te kry, selfs krummels sal 'n hoop geld beteken. Daar is egter struikelblokke om te oorkom, hoe ontvang mens geld as iemand van oorsee by jou koop, hoe gemaak om kredietkaarte te kan aanvaar, hoe kry ek 'n webwerf om op te adverteer en as ek 'n webwerf het hoe gaan Joe in Amerika van my weet?

Om die bal aan die rol te sit het ek 'n Yahoo Groep begin (Peterjasie) sodat enige belangstellendes met mekaar kan kommunikeer en gedagtes uitruil. Om gratis aan te sluit tik jou eposadres in die blokkie hieronder.
Ons gaan besprekings hou en inligting uitruil en na 'n paar maande weet al die lede wat daar te wete is oor Tuis en Internet besigheid. En beste van alles, ons kommunikeer in Afrikaans.

Baie dankie aan Leonie wat vir my 'n paar lekker Boerekos resepte laat kry het, hulle is verder ondertoe.

Net om julle te laat weet dat ek vir my 'n herdruk van die eerste resepteboek in Afrikaans, Mev Dijkman se Kook-, Koek en Resepteboek wat vir die eerste keer in 1890 sy verskyning gemaak het, kan nie wag dat dit hier moet aankom nie. As julle dalk na ou boeke soek, gaan na www.abebooks.com en doen 'n soek vir of die skrywer of die titel, jy sal verbaas wees oor wat nog beskikbaar is.

Dis nou al amper te laat om 'n Kersgeskenk aan geliefdes of vriende oorsee te pos. Hier is egter 'n uitweg vir julle. Stuur 'n eBoek met om en by 2000 Boererate (in Afrikaans) per epos! Koop een boek en stuur dit per ePos aan al jou vriende en familie. Dis 'n unieke geskenk en hulle sal dit geniet om al die outydse rate te lees (en dalk nog uit te toets ook). En dink net, jy betaal geen posgeld nie! Om te bestel, klik net hier.

En wat van 'n eBoek met Tradisionele Suid Afrikaanse resepte (in Engels) vir oorsese familie en vriende? Bestel weereens net een boek en stuur dit aan al jou kenisse per epos! Dink aan die posgeld wat jy gaan bespaar!
Klik hier om te bestel.

Ek het nog ander interessante eBoeke ook, sommige gratis, ander nie, gaan kyk gerus

Ek sluit die jaar af met nog een van Minette se artikels. Minette is verbonde aan die Republikein, die enigste Afrikaanse dagblad in Namibië. Minette ontvang graag kommentaar per epos. Sy wag angstig om van julle te hoor! Stem julle saam met haar?

Net voordat julle met haar artikel begin, net vlugtige kommentaar van my kant af. Ek dink dat mense besig is om te vergeet wat die ware betekenis van Kerfees is. Ek probeer om elke Kersoggend die Kersdiens by te woon, dit bring my weer terug tot die werklikheid. Ek kan 'n boek skryf oor my gevoelens rondom Kersfees maar dis vir 'n ander geleentheid. My hart gaan ook uit na al die duisende Suid Afrikaans "Kersvaders" wat agter lang wit baarde en in opgestopte rooi pakke sauna terwyl hulle moet glimlag vir die kindertjies. Hoekom dra ons Suid Afrikaanse Kersvaders nie safaripakke en daag met 'n Landrover by kinderpartytjies op nie.  Hy kan nog 'n wit baard hê en rooi vellies. wat dink julle!

Hier is Minette se artikel, onthou om vir haar tergvoer te gee.

Kersfees

AANGESIEN die hele wêreld waansinnig met Kersfees-gevoelsaanvalle geraak het, hier is my stuiwer in die armbeurs. Om mee te begin: ek doen nie Kersfees nie. Om verskeie redes waarop ek nie gaan uitbrei nie. Smaak verskil. Genadiglik.
Almal het al verwys na die versierings wat lyk my elke jaar al vroeër in winkels en waar-ookal-ons-goeddunk opduik. En is dit nie die lelikste goed op aarde nie, dink ek nou die dag in een van die sentrums. Sulke kitsch blink bedrywe waarvan die style en vorms sedert die jare toet nog net mooi niks verander het nie.
O hier en daar het iemand met inisiatief asemsnakkende ontwerpe in vensters staangemaak en van plafonne laat swaai, maar dis in die minderheid. Kitsch rules en verswelg elke ‘andersoortige’ probeerslag. ʼn Dansende Kersvader, skud ek my kop. Gʼn bejaarde omie kan sy heupe so swaai nie, al is hy meganies.
Die jingelklokke wat uit elke ding met watts blaas, ignoreer ek met inspanning. Kan die mense nie maar nuwe tapes vir hulself vir krismis loop koop nie, wonder ek en byt om my tande vir die ge(t)rekte bandopnames.
En dan val my oog op ʼn lang tafel besaai met uitverkoping-boeke.
“The Little Book of Christmas Stress” skree ‘koop my, koop my!’ Opgeslurp in die histeriese kooplawwes om my raap ek die boekie op en betaal voor ek nog iets, soos die N$1000 se rapto-saurus waarvoor my seun sy voortande sal gee, begin koopmy skree. (Of ek dink dis die vreesaanjaende ding se naam. Wie kan byhou?)
Ek gaan sit in die verste hoekie van ʼn teehuisie en begin blaai.
Danksy die skrywer, ene Rohan Candappa, gaan ek hierdie Kersfees met ʼn lied in die hart binne. Hier is my lysie van krismisbeplanning en mag dit vir ʼn paar mense ook verligting bring in hierdie tye:
“Indien jy kleinkinders het, maak jouself nog meer geliefd deur nié die vuilbek Gangsta Rap CD vir hulle te koop nie, maar eerder ʼn lieflike dubbelalbum van Bing Crosby.
Dieëtboeke is fantastiese geskenke vir oorgewig familielede.
Tydens besoeke aan familie en vriende, skud hul kersbome met mening wanneer niemand kyk nie.
Hang al die breekbare kersboomversierings onder aan die boom waar klein kindertjies hulle maklik kan bykom.
Draai onvanpaste geskenke wat jy laasjaar by onnadenkende mense gekry het weer toe en gee dit vir hulle terug.
Indien jy die eienaar van ʼn onderneming is wat daagliks van aangesig tot aangesig met kliënte werk, dring daarop aan dat jou werknemers te alle tye feestelike kabouterhoedjies dra waarop flitsende rooi liggies vas is.
Wanneer jy die werk se kerspartytjie reël, maak seker dat die mense wat niks van mekaar hou nie, altyd langs mekaar aan tafel geplaas is.
Wanneer jy ʼn Kersvader in ʼn winkelsentrum sien speelgoed uitdeel of luister na kinders se wense, staan nader en verduidelik so hard jy kan vir jou kind dat Kersvader nie bestaan nie.
Wag tot die gasvrou van die Kersete ʼn reusebord kalkoen opdien voor jy skielik hardop onthou dat jy eintlik ʼn vegetariër is.
Wag tot die hele Krismiskoek opgeëet is en vra dan “wie het die weggesteekte muntstuk gekry?”
Dring daarop aan dat die hele familie en gaste aansit vir ʼn bordspel waarin niemand belangstel nie en waarvan die reëls ʼn driekwartier neem om te verstaan.
Vra herhaaldelik vir ongetroude familielede of hulle al kêrels en meisies het. Die tegniek is veral doeltreffend indien die familielid reeds diep in die dertigs is.
Draai ʼn klein, goedkoop geskenk in die vorm van ʼn fiets toe. Gee vir ʼn kind.”
Teen die tyd is ʼn paar mense seker goed die josie in vir my ongevoeligheid. Maar voor ek weer markplein toe gesleep word om daar vir goed gestenig te word, dink asseblief na oor Rohan se laaste inskrywing:
“God, why not really scare the sprouts out of everyone by turning up unannounced on Christmas day and explaining what you really had in mind?” 

 
Suid Afrika se nuutste en beste soekenjin

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!

st se weeklikse pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Misluk jy omdat jy so glo?

Soos hierbo aangedui aangedui, vra ek vandag ‘n ongelooflike belangrike vraag aan jou.
Ek wil hierdie vraag eintlik wyer trek en aanvul met nog ‘n paar vrae.
· Misluk jy omdat jy so glo?
· Presteer jy gemiddeld omdat jy dink jy is gemiddeld?
· Is jy nie goed genoeg nie?
· Watter grense stel jy vir jouself?
· Het jy al ‘n “onmoontlike” ding probeer aanpak.
· Het jy potensiaal wat nie tot reg kom nie?

Ons is so bang om te waag, bang vir foute en mislukking. Ons probeer nie, omdat ons dink ons is nie goed genoeg nie. Is jy dalk so iemand? Is jy iemand wat die potensiaal het, maar jy kom nie tot jou volle reg nie? Jy leef, jy doen, maar eintlik is jy nie tevrede met dit wat jy bereik nie.

Vandag net enkele gedagtes hieroor:

· Gooi jou beperkende idees en bang geloof by die venster uit – verander jou denksisteem en weet daar is ongelooflike potensiaal in elkeen van ons opgesluit.

· Ek daag jou uit (soos die Engelse sê: ek “challenge” jou): Waag iets wat jy voorheen gedink het is onmoontlik – steek persoonlike grense oor.

· Dink diep en wyd oor dit wat jy graag sal wil doen.
· Fokus in op jou sterk punte en belangstellings.
· Visualiseer dit wat jy wil doen. Visualiseer hoe jy dit suksesvol doen.
· Hou aan planne maak, bepaal vir jou doelwitte.
· Sien foute nie as mislukkings nie, maar geleenthede tot leer en groei.
· Verander jou negatiewe selfpraat van jou lewe is ‘n gemors, na ek het ‘n wonderlike geleentheid om die lewe te gryp en te doen.
· Wees leergierig en moenie bang wees om jou eie idees te genereer nie.
· Neem inisiatief en beheer oor jou lewe – gooi die juk af van ander mense wat jou wil vertel oor die hoe en wat van jou lewe.
· Kom oor die slegte van die verlede, leer die lesse daaruit en beweeg aan.
· Weet die Here se genade is vir jou genoeg.
· Vergeet daarvan dat jy te oud is, nou is die regte tyd om te leef en uitdagings aan te pak.

Ons is hier teen die einde van nog ‘n jaar. Ek voel dit in my broekspype, ek voel die krieweling in die murg in my pype, ons kan volgende jaar die beste jaar ooit maak. Daarom is hierdie nuusbrief so belangrik ook vir jou, want hier deel ons met mekaar, help ons mekaar, ondersteun ons mekaar. Hand aan hand gryp ons die lewe, die geleenthede, sê ons JA want ons weet ons kan!!

Dr ST Potgieter
Tel: 021 949 5007
Sel: 083 227 3683
Epos: st@pitkos.co.za

Betaal jy teveel vir motorversekering?  
Klik hier vir 'n gratis aanlyn kwotasie!
Al wat jy dan moet doen is om te besluit wat om met die ekstra geldjie te maak
 

Webwerf soeklig

My Webwerf se Soekenjin

'n Tikkie Humor

 Koos vlieg besigheidsklas tussen Kaapstad en Johannesburg, en hy is besonder verbaas om te sien dat die passasier in die stoel langs hom 'n papegaai is. Toe die lugwaardin verbykom, vra Koos vir 'n koppie koffie. "En vir my 'n whiskey, jou koei!" snou die papegaai haar toe. Die lugwaardin is so verbaas dat sy die whiskey bring, maar Koos se koffie vergeet. Toe Koos haar daarop wys dat hy nog wag vir sy koffie, skree die papegaai vir haar: "En bring vir my nog 'n whiskey, jou koei!" Duidelik ontsteld kom die lugwaardin terug met die papegaai se whiskey, maar weereens sonder Koos se koffie. Nie heeltemal seker hoe om sy koffie te kry nie, besluit Koos om die papegaai se metode te gebruik. "Ek het jou nou al twee maal vir koffie gevra, jou simpel ou koei. Bring dit nou voor ek kwaad word!" Die volgende oomblik het die kaptein en 'n paar van die manlike passasiers vir Koos en die papegaai beet en dra hulle na die nooduitgang toe. Net voor hulle uitgegooi word sê die papegaai aan Koos: "So, vir iemand wat nie kan vlieg nie het jy nogal 'n groot bek!"
 

Die Resep(te)

Baie dankie aan Leonie vir hierdie outydse resepte, ek sal op 'n ander geleentheid meer van haar resepte plaas

Wit boerbrood


10 ml kitsgis (2t)
4x250 ml witbroodmeel, gesif (4k)
7 ml sout (1 1/2t)
7 ml suiker (1 1/2t)
25 ml botter (2e)
625 ml water (2 1/2k)

Meng die droë bestanddele saam. Vryf die botter in. Voeg die water by.
Meng goed met 'n houtlepel totdat die deeg kniebaar is. Knie die deeg vir 5 minute. Laat die deeg vir 1/2 uur rys. Knie liggies af en plaas dit in 'n broodpannetjie. Laat die deeg weer vir 30 minute lank rys.
Bak by 180°C (350°F) tot effens bruin.

Tamatiebredie

2 kg skaapvleis, in blokkies gesny
75 ml botter (6e)
2 uie, fyngekap
12 tamaties, in blokkies gesny
60 mlrooiwyn (1/4 k)
20 ml suiker (4t)
10 ml sout (2t)
knippie peper

Soteer uie in 'n kastrol. Voeg die vleis by en braai tot tigbruin.
Voeg die res van die bestanddele in die kastrol en laat stadig prut vir
2-3 uur.

Lewerkoekies

1 ui, fyngekap
25 ml kookolie (2e)
1 skaaplewer, fyngemaal
37,5 ml koekmeel (3e)
2 eiers
25 ml asyn (2e)
10 ml sout (2t)
5 ml droë tiemie, fyngekap (1t)
of
15 ml vars tiemie, fyngekap (3t)
125 ml varkspek, in blokkies gesny (1/2k)

Braai die ui in 'n bietjie kookolie. Meng die skaaplewer met die ui en die res van die bestanddele. Verhit kookolie in 'n pan. Skep lepelsvol van die lewer daarin. Braai tot gaar.

Pampoenmoes

62.5 ml suiker (1/4k)
20 ml fyn kaneel (4t)
8 snye brood, aan altwee kante botter gesmeer
500 g pampoen, in skywe gesny
50 ml ekstra botter (4e)

Meng die suiker en die kaneel saam. Pak 'n laag brood in 'n gesmeerde oondskottel. Sprinkel met 'n bietjie kaneelsuiker.
Pak 'n laag pampoen bo-oO£. Herhaal die lae, tot die pampoen en brood
opgebruik is. Eindig met 'n laag pampoen. Stip ekstra botter op die pampoenlaag. Bak by 160°C (325°F) vir 30 minute.

Stampmielies

375 ml stampmielies (1 1/2k)
1.5 l koue water (6k)
5 mlsout (1t)
12.5 ml botter (1e)
50 ml melk (4e)

Bedek stampmielies met water en week oornag. Gooi water af.
Verhit stampmielies, 1.51 water en sout tot kookpunt. Stel die plaat af en laat dit ongeveer 4 uur lank stadig prut. Vul die water aan, indien nodig. Voeg die botter en melk net voor bediening by.

Stampkoring

375 ml stampkoring (1 1/2k)
1 l water (4k)
5 ml sout (1t)
12.5 ml botter (1e)
50 ml melk - opsioneel (4e)

Plaas die stampkoring in 'n sif en was die oortollige meelagtigheid onder koue water af. Verhit die stampkoring, water, sout en botter tot kookpunt. Stel die hitte af en laat prut die stampkoring ongeveer 1 1/2  uur lank totdat dit gaar is. Voeg die melk, indien verkies, by en roer dit goed om.

. Voeg 250 ml ontpitte rosyne of sultanas en 10 ml suiker by voordat
koring gekook word.

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Dagsê Boeremusiekvriende.

Die jaar lê op sy rug en dit voel of daar nie genoeg Boeremusiek was die jaar nie. Maar nou ja, as mens nugter oor die saak dink dan besef jy daar was BAIE Boeremusiek deur die jaar en nog is dit einde niet!! Daar is nog een
 byeenkoms  op 31Desember 2005. Dis reg!, so op die ou jaar en dan gaan ons deur na die nuwe jaar met al die boeresport en boeremusiek wat daarmee saam gaan. Ons orkes vir die aand is Neels Ackerman en sy manne wat vir ons die musiek sal maak vir die oujaarsdans! Dit begin ook 9-uur die oggend en toegang sal R50 per persoon wees wat die dans insluit asook potjiekos laat middag voor die dans. Deur die dag sal daar ook vure, pap en sous beskikbaar wees. Deur die dag kan enige Musikant speel maar die aand is dit Neels Ackerman se orkes en slegs gaskunstenaars sal genooi word om te speel.

Vriende, hierdie is ‘n daadwerklike poging om Boeremusiek in Pretoria hoogty te laat vier. Kom ons vat hande en maak ‘n sukses daarvan. So sal Boeremusiek wen by die Monument wat opgerig is vir die mense wat boeremusiek oorspronklik gemaak het!!
Vir die van u wat weens omstandighede nie diebyeenkomst kan bywoon nie, word u ‘n geseende Kersfees en voorspoedige nuwejaar van my en Wia toegewens.

Boeremusiekgroete,
Kalie de Jager.

Wia

Tel: 012 361 7097

082 5788907

E-pos: wia@telkomsa.net

Die Danville Hulp Groep

 
Met die Kersfeesfunksies so te sê agter die rug is dit nou volstoom met die
kersfeeskospakke.

Om vir 'n gesin van gemiddeld 5 persone die basiese kos te voorsien oor die
3 dae gaan ons ± R200-00 per gesin kos. Teen 250 gesinne het ons dus R50 000-00 nodig hiervoor. Ons het dus nou dringend fondse nodig om die kruideniersware aan te koop. Die kospakke bevat die basiese kos met 'n bietjie ekstra vir die kersfeesete. Sou mens dit op deel teen 3 maaltye per dag x 5 persone werk dit ongeveer op R4-50 per persoon per maaltyd!

Indien u graag kruideniersware wil gaan aankoop sal dit ook baie welkom
wees. Kontak my dan asb by elecnet@mweb.co.za sodat ons nie dupliseer nie.

Aflewerings adres:

286 Cliffendale rylaan
Faerie Glen

Tel 991 3914 of Cel: 082 8282 551 skakel net asb voordat u ry.

Ek glo dat al ons ondersteuners hulle harte gaan oopmaak en hierdie
minderbevoorregte mense in ons gemeenskap (hoofsaaklik pensioenarisse en kinders) gaan help om kos op die tafel te hê oor Kersfees.

R4-50 per persoon per ete is waarlik so min! HELP ASB !!

Danville Hulp Projek
FNB * Brooklyn
Tjek rek: 620 546 34128
Verw: Kerskospakke

Enige bydrae gaan help om 'n verskil te maak!

Sel:  082 8282 551
Faks:  012 991 2073
www.danvillehulp.co.za
elecnet@mweb.co.za

BANKBESONDERHEDE
Danville Hulp Projek
FNB - Brooklyn
Takkode: 251 345
Tjek rek:   620 546 34128
Verw:  (Kos - of - Kersfees of dit waarvoor die donasie is asb)

webwerf: www.danvillehulp.co.za

Boereraat van die Week

Afrikaanse Lied

Snuffelhoekie

Soek jy plek om te gaan kampeer? Klik dan hier!

Druk jou speld op my besoekerskaart!

Kontak - Teken in/uit