Nommer 79

Afrikaans KOOK!!!

9 Nov 2005

Welkom alle nuwe intekenare!

Ek gaan begin om Kersresepte in die nuusbrief te sit tot net voor Kersfees. En ek gaan begin met koekies. In ons huis was die tyd van die jaar altyd koekietyd! Vir dae aaneen word daar in die kombuis gewoel en gewerskaf om blikke en blikke vol koekies te bak vir Kersfees. En ek was altyd by om die deegkastrol uit te lek nadat die koekies in die oond was. Ek is seker my ma het maar altyd ekstra deeg oorgelos vir my om uit te lek! Enigste kind en so aan! Gaan kyk maar by die resepte biekie ondertoe watse koekie respte ek daar het.

Ek glo vas dat koekies en gemmerbier vir mekaar gemaak is, die volgende resep van ou staatmaker, Elzeth:

VINNIGE GEMMERBIER

1 Groot emmer met deksel wat lugdig sluit
7 x 750ml louwarm water (5¼ Liter)
4½ koppies suiker
10ml Jamaika Gemmer (Lennons se produk)
10ml kitsgis (korrelsuurdeeg)
28 rosyne

1. Meng 10ml suiker en die 10ml kitsgis in 125ml louwarm water. Laat staan
vir 10 - 20 minute (todat dit begin gis).
2. Voeg die suiker by die louwarm water in die emmer en roer ongeveer 3
minute (totdat suiker gesmelt het).
3. Voeg die Jamaika Gemmer en die water-, suiker- en kitsgismengsel (nadat
dit begin gis het) by die suikerwater en roer baie goed. Voeg die rosyne
by en roer weer deur.
4. Plaas deksel op emmer en laat staan in die son om te gis. Persoonlik
laat staan ek dit in die son van so ongeveer 10 uur in die oggend tot 2 uur
in die middag. Dit is dan gereed, maar smaak verskil en dit kan langer in
die son gelaat word om verder te gis. Onthou net om elke nou en dan die lug
uit te laat, anders skiet die deksel af en jou gemmerbier is daarmee heen!
5. Gooi die bier in houers en plaas in yskas om verdere gisting te voorkom.

Nota: Dit is 'n heel eenvoudig resep en baie lekker. Ek moet egter erken
toe ek die resep die eerste keer onder oë kry, was ek baie skepties. Hoe
gebruik mens dan nou medisyne om gemmerbier mee te maak? Ek het dit egter
probeer, en die resultate was verstommend. Selfs mense wat nie graag gemmerbier drink nie, het gesê dit is lekker. Behalwe vir die suiker, is dit ook nie so duur om te maak nie. So, probeer dit gerus.

Hier is nog een van Minette se artikels. Minette is verbonde aan die Republikein, die enigste Afrikaanse dagblad in Namibië. Minette ontvang graag kommentaar per epos. Sy wag angstig om van julle te hoor!

In die sop

EN daar word ek toe mos die anderdag sommer twee keer uitgetrap.
Deur WILDVREEMDES, nogal.
Eers gebel op my selfoon (die vermetelheid) om vasgevat te word oor die wrede omgewing waarin ek durf werk en die harteloosheid waarmee ‘julle koerantmense’ woorde kies.
Net daarna op straat voorgekeer oor my goddelose lewensstyl en oorlat ek nie bewyse van lidmaatskap van ʼn spesifieke kerk kan lewer nie.
En weet ek dat ek reguit hel toe gaan omdat ek geskei is EN dat ek die kinders in sonde saamsleep?
O, ek is ʼn slegte, slegte mens.
Ek kan niemand meer in die oë kyk nie.
O, behoede my.
Want: Hoe durf ek so sinies ligsinnig wees oor myself, ander, die lewe?
Want: Hoe durf ek Sondae werk?
Daarom gaan ek nou bedank en myself in my huis toesluit met die hoop dat alle nare dinge sal weggaan en almal in Utopia sal voortleef.
Want wat die oog nie sien nie, kan die hart nie oor treur nie, nie waar nie?
As ek dit wel die dag buite moet waag om ʼn broodjie te gaan koop, sal ek nie die haweloses, die gestremdes, die bejaardes sonder pensioen, die mishandeldes, die dwelm- en drankverslaafdes of die korrupsie om my raaksien nie.
Ek sal ook vergeet van die derduisende sinkhuise net hier anderkant die bult waar honger elke dag oorverdowend geluidloos skree en glo dat vigs ʼn opgemaakte bangmaakstorie is wat net sekere mense opdoen omdat dit hul verdiende loon is.
Sal ook nie meer wonder of die 122 000 weeskinders in die land vanaand hulleself aan die slaap huil nie. Ook nie meer omgee of vroue in gegoede en krotbuurte deur hul mans half bewusteloos geslaan word nie.
Ek sal regtig vere voel vir kinders met kanker en ander oorerflike siektes wat dringend geld nodig het vir operasies en ander mediese sorg.
Ook my nie langer steur aan gestremde kinders se nuwe plaasstal wat met groot moeite opgerig is net om ʼn ekstra geldjie vir nuwe boeke en toerusting in te samel nie.
Tonnelvisie sal voortaan aan die orde van die dag wees met net die trein van positiewe denke se lig wat van vooraf aangerol kom.
Maar voor ek myself heeltemal van realiteit onttrek, net ʼn laaste paar selfsugtige versoeke.
Sal die twee persone wat my so blatant sleggesê het asseblief die grootheid van gees hê om my te vergewe vir my tekortkominge?
Want ek wil vra dat niemand ooit weer iets lees oor buitensporige tienerbedrywighede, skoolgeld, mediese onkoste, rolstoele, krukke, bloedoortappings, nekstutte, terapeutiese perdrylesse, fisioterapie sessies, insamelingsveldtogte, verlore gesinslede, tragiese velduitstappies, verlore wisseltrofees, stamseloorplantings, Dagbreekkonserte, vigsdonasies, vigskinders, weeskinders, verlore diere, mishandelde diere, dwelmslawe, drankrehabilitasie, onthoofde lyke, gru-motorongelukke, begrafnisse, selfmoorde, korrupsie, bedrog, diefstal, huisinbrake, motorsindikate, swak diens en lawaai in munisipale gebiede nie.
Asseblief.
Laat ons van nou af net die goeie raaksien en vergeet van al die negatiewe ou invloede van die verlede.
Want as ons dit nie erken nie, kan dit nie bestaan nie.
Ag man, dis lekker in Utopia!
Net ʼn laaste vraag: het jou tiende net waarde in geldnote? 

LEWENSRESEP
'n Bietjie meer doen en minder praat
'n Bietjie meer liefde en minder kwaad
'n Bietjie meer dank en minder kla
'n Bietjie meer gee en minder vra
'n Bietjie meer vreugd' en minder vrees
'n Bietjie meer musiek wat spanning genees 'n Bietjie meer blomme in die
lewensuur as ruikers na die graf te stuur 'n Bietjie meer glimlag, minder
steun, maar voluit vertrou en op Hom leun..

MAG JY...
- Nooit omdraai wanneer jy teleurgestel word nie.
- nooit ophou wanneer jy verloor het nie.
- nooit bly lê wanneer jy geval het nie.
- nooit haat wanneer jy nie waardeer word nie.
- nooit hoogmoedig word wanneer jy presteer het nie.
- nooit rus wanneer jy voorspoed gevind het nie.
- nooit in die steek laat wanneer jy vertrou word nie.

MAG JY..
- Altyd lewe met die wete dat jy met 'n doel lewe.
- altyd ly in die geloof dat lyding krag bring.
- altyd doen met die besef dat dit jou taak is.
- altyd gee en deur jou gawe verryk word.
- altyd gereëlmagtigheid en ondersteuning
- altyd lewe met die oog op die onsienlike

Dankie vir die bovermelde, Debbie!  
 

 
Suid Afrika se nuutste en beste soekenjin

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!

st se weeklikse pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Het jy gisteraand goed geslaap?

Ek het ‘n belangrike vraag om jou te vra.

Miskien lees jy die “subject line” en dink hierdie nuusbrief gaan oor jou slaappatroon. Of miskien oor ‘n nuwe slaappil wat ek aan jou wil smous. Of oor slaapterapie.

Wel jy is verkeerd.
Dit gaan inderwaarheid nie oor slaap nie.
Maar wel oor die gebrek aan slaap.
Jy sien wanneer ‘n mens nie goed slaap nie is daar ‘n rede voor. Ek wil nie nou ‘n ontleding doen van al die redes vir swak slaap nie, maar op een spesifieke rede konsentreer.
Het jy al gesukkel om aan die slaap te raak omrede goed in jou kop maal?
Of het jy in die vroeg oggendure al wakker geskrik, natgesweet en in ‘n staat van paniek?

Bekommernis is een van die grootste oorsake van versteurde slaap. Of jy nie aan die slaap raak nie, rol rond in die bed, natgesweet met aaklige drome, koorsagtige “worries”. Of jy ruk wakker in die nag, met dwalende gedagtes en ‘n soort hopeloosheid met geen uitkoms vir jou situasie nie. Bekommernis maak jou lam. Bekommernis tap jou energie en kragte, gooi jou slaappatroon omver, demper jou eetlus, ontwrig jou gesonde lewensfunksionering.

Ja, daar is baie goed wat jou ernstig bekommerd maak. Byvoorbeeld finansiële druk, ‘n saak wat verkeerd geloop het, druk by die werk, iets wat jy verkeerd gedoen het, ernstige probleme wat jou in die gesig staar, onafgehandelde take, jy is bang, bekommernis oor ‘n kind of geliefde, onreg wat iemand jou aangedoen het.

Die belangrike vraag wat ek jou wil vra is : weet jy hoe om bekommernis in jou lewe te hanteer?

Ek het vir jou ses stappe neergeskryf wat jy kan doen. Kragtige effektiewe aksiestappe.

Stap 1: Neem drie diep asemteuge en gaan sit by ‘n tafel in stilte.

Stap 2: Neem jou Bybel en lees ‘n stuk daaruit. Bid baie ernstig, verootmoedig jou, bely jou sonde en skuld, en vra die Here vir genade en uitkoms.

Stap 3: Skryf neer wat jou probleem is in presiese detail.

Stap 4: Wat is die oorsaak van die probleem? Dit is nodig om ‘n baie duidelik begrip hiervan te vorm.

Stap 5: Breinstorm alle moontlike oplossings vir die probleem. Dit verg tyd en goeie nadenke van alle moontlikhede, omrede die eerste oplossing nie noodwendig die beste een is nie.

Stap 6: Kies die beste oplossing.

Ek hoop bostaande gee vir jou riglyne hoe om die bekommernis in jou lewe op ‘n konstruktiewe wyse te hanteer. Dit mag simpel en eenvoudig klink, maar dis in werklik ‘n wonderlike formule om angs, vrees, bekommernis, paniek op sinvolle wyse aan te spreek. Jy dae en weke rondrol en nutteloos ronddwaal in bekommernis, of jy tot ‘n plan oorgaan.

Ek hoop jy het darem al my webwerf by www.pitkos.co.za besoek. Ons werk aan die webwerf om nog meer interessante dinge daarop te plaas en dit meer interaktief te maak.

Onthou van ons vorige nuusbriewe, asook lesersbriewe is daarop te lees.
Vir briewe en kommentaar st@pitkos.co.za.

‘n Sprankie wysheid vir die Dag

"Bekommernis is die natuurlike gevolg as ons hoop gevestig is op enigiets anders as God se wil vir ons lewe." - Billy Graham

Betaal jy teveel vir motorversekering?  
Klik hier vir 'n gratis aanlyn kwotasie!
Al wat jy dan moet doen is om te besluit wat om met die ekstra geldjie te maak
 

Webwerf soeklig

My Webwerf se Soekenjin

'n Tikkie Humor

Ons mense aan die Oosrand (is Alberton Oosrand?) het 'n reputasie dat hulle biekie "rof" is. Soveel so dat daar vir hulle basiese lewensreëls moes geskryf word:

ETIKET vir Brakpanners
Algemeen:
1. Moet nooit bier saamvat na 'n job interview nie.
2. Probeer eers uitvind wie die mense in jou jaart is voor jy begin skiet.
3. Die dominee smaak dit nie as jy 'n cooler box saamvat kerk toe nie.
4. As jy die bed moet stofsuig is dit tyd om ander lakens op te sit.
5. Selfs al is jy seker jy is ingesluit in die testament, moenie jou Venter saamsleep na 'n begrafnis toe nie.
Uiteet:
1. As jy wyn skink, tilt die "paper cup" sodat jy nie die "vrug" van die wyn bederf nie.
2. As jy uit die bottel uit drink, hou hom so vas sodat jou vingers die label toehou.
Onthaal in jou huis:
1. Moenie jou geliefde opgestopte hamster/kat/hond/aap op die koffietafel sit nie.
2. Moenie dat jou hond van die tafel eet nie (al is sy maniere beter as jou gaste s'n).
Persoonlike higiene:
1. Terwyl ore gereëld moet skoongemaak word, is dit 'n job wat verkieslik met jou eie bakkiesleutels gedoen moet word.
2. As jy toiletware reg gebruik kan jy 'n paar dae gaan sonder 'n wassie.
3. Grond en olie onder jou vingernaels is 'n social nee, want dit gee daai finger snacks 'n snaakse smaak en cherries laaik dit nie so kwaai nie.
Verhoudings (buite die familie):
1. Bied altyd aan om die aas aan jou goose se hoek te sit, veral met die eerste date.
2. Wees aggressief. Laat weet haar jy wag al twee jaar om met haar uit te gaan 3. Maak seker jy vind uit by haar ma-hulle wanneer sy by die huis moet wees. Party sal sê "10-uur", ander "Maandag". As die antwoord Maandag is, is dit jou job om te sorg dat sy betyds by die skool is.
Fliek:
1. Huilende babas moet verkieslik in die voorportaal gelos word en onmiddellik na die show gehaal word.
2. Moenie met die mense op die screen probeer praat nie.
Jarelange wetenskaplike navorsing het bewys dat hulle jou nie kan hoor nie.
Troues:
1. Kleinvee is nie so 'n hot trougeskenk nie.
2. As jy die bruid langer as 5 sekondes soen, kan jy miskien geskiet word.
3. Vir die bruidegom: Huur 'n tux. 'n Corduroy broek en T-shirt met'n cummerbund werk nie so lekker nie.
4. Al is dit moelik, sê maar ja vir sokkies en skoene (al is dit dan net vir die kerk).
Bestuur:
1. Dim jou ligte as 'n kar van voor af kom, al is jou gun gelaai.
2. As jy by 'n "4-way stop" kom, ry die ou met die grootste en blinkste mags eerste.
3. Moet nooit 'n ander blaar se kar tou met pantyhose en duct tape nie.
4. As jy jou vrou/goose met 'n kannetjie stuur om te gaan petrol haal, is dit swak maniere om haar te vra om bier ook terug te bring.
5. Moenie spin as jy in 'n begrafnisstoet ry nie.
 

Die Resep(te)

Dankie vir Minette Schneider vir die volgende resepte. Party van hulle is baie oud en mate is nog in ponde! Ander dateer uit resepteboeke van 1914.

KOFFIEKOEKIES

8 Koppies meelblom,
1 pond  (500 g) maizena
1 ons  (30 g)koeksoda
1 Koppie stroop
1 1/2 pond margarien
2 Koppies suiker
4 eetlepels koffie essence
1/2 teelepel sout
Melk indien nodig.

Meng botter, suiker, stroop. Voeg koffie essence by. Meng koeksoda met bietjie melk. Voeg by mengsel. Voeg droë bestanddele by en maak aan tot stywe deeg. Druk deur koekie masjien en bak in warm oond 400 F. Sit 2 - 2 opmekaar met konfyt.


CONDENCED MELK KOEKIES
12 Koppies meel
4 eiers
1 pak cream of tartar
1 pak koeksoda
2 eetlepe1s stroop
1 blik kondensmelk
2 pond  (1 kg )margarien
3 Koppies suiker
1 Koppie klapper

Meng Suiker en botter tot room. Voeg eiers een vir een by. Voeg stroop en melk by. Laaste word meel koeksoda, klapper en cream of tartar bygevoeg. Meng,druk uit en bak in oond 400 F tot gaar.


BOERE SOETKOEKIES

15 Koppies mee1
3/4 Koppie stroop
15 teelepels bakpoeier
6 1/2 Koppies suiker
1 teelepel kaneel .
1 teelepel neut
1/2 teelepel naeltjies
1 teelepel gemmer
6 eiers
1 1/3   pond (660 g) margarien

Meng die droë bestanddele, vryf margarien in. Voeg stroop en eiers by, meng verder met melk tot 'n stywe deeg. Rol uit en druk af met drukkertjies. Bak in oond 400°F tot ligbruin.

LEKKER SOETKOEKIES

2 Koppies klapper
3/4 pakkie cream of tartar
1/4 pond gesnipperde kersies
1 eetlepel goue stroop
14 Koppies meel
3 Koppies suiker .
1 3/4 Koppie botter
knippie sout.
1 blik gekondenseerde melk
6 eiers
1 pakkie koeksoda

Maak koeksoda en cream of tartar met een eetlepel asyn aan.
Meng meel, suiker en sout saam. Meng gekondenseerde melk, goue stroop,
koeksoda mengsel, asook geklitste eiers saam. Voeg nou alles bymekaar en werk sagte botter met hande deur mekaar.
Rol uit, druk af en bak (Moenie gesmelte botter gebruik nie).

OUMA SE GEMMERKOEKIES

(Lewer sowat 100 koekies)
250 9 botter
250 ml gouestoop
400 9 geelsuiker (500 ml)
2 eiers
750 9 koekmeelblom
40 ml fyn gemmer
5 ml fyn kaneel
5 ml sout
10 ml koeksoda
85-100 ml melk

Plaas botter in kastrol en smelt oor lae hitte. Voeg stroop en suiker by en roer tot suiker opgelos het. Verwyder van hitte en laat effens afkoel. Klits eiers en roer by botter mengsel. Sif droë bestanddele saam en voeg beurtelings met melk by bottermengsel. Meng goed. Bedek met kleefplastiek en plaas minstens 1 uur lank in yskas.
Vorm okkerneutgrootte-bolletjies en plaas op bakplaat. Druk effens met vinger en bak in voorverhitte oond by 190 grade C 10-12 minute lank lot
goudbruin en gaar. Verwyder uit oond, laat afkoel en sit voor.


OBLIETJIES

500 g bruinsuiker (625 ml)
2 eiers
250 g botter (gesmelt)
15 ml fyn kaneel
10 ml droë nartjieskil (fyn gestamp)
100-125 ml volroomsjerrie
480 g koekmeelblom (4x250 ml)

Klits suiker en eiers saam lot romerig. Voeg botter, kaneel en nartjieskil by en meng. Voeg sjerrie by en meng. Voeg gesifte meelblom by en meng tot stewige deeg.
Indien nodig voeg meer meel by.
Vorm bolletjies en plaas in middel van oblietjiepan. Maak toe en bak
sowat 30-40 sekondes aan elke Kant tot goudbruin en gaar. Rol dadelik
op deur gebruik te maak van dik steel van houtlepel op roomhorinkievorms. Vul met stYf geklopte gegeurde room en sit voor.


AFRIKA'S KOEKIIS
Die resep het verskyn in Di Afrikaonse Koek en Poeding Boek Duer 'n
Frystaatse Dame, Paarlse Drukpers Maats. Beperkt. 1914

3 lb Flour, 1 lb witsuiker, 1 lb botter, telepel soda en 2 telepels
kremetat, met melk of water angemaak.
Dit is die hele resep.

Hiermee 'n variasie van Afrika-koekies in die jare 90.
(lewer 90 koekies)
120 g koekmeelblom (250 ml)
390 g volkoringmeel (750 ml)
120 9 mieliemeel (250 ml)
200 g sagte bruinsuiker (250 ml)
3 ml gemengde speserye
5 ml Kremetart
250 g botter
3 ml Koeksoda
225 ml melk
250 ml karringmelk

Meng meelblom, volkoringmeel en mieliemeel. Voeg bruinsuiKer, speserye
en kremetart by. Vryf botter daarby in tot mengsel soos broodkrummels
lyk. Los koeksoda op in melk en voeg by meelmengsel. Voeg karringmelk
by en meng tot sagte deeg. Skep lepelsvol vam mengsel op gesmeerde
bakplate en bak in voorverhitte oond by 180 grade C, 15-20 minute lank
tot gaar. Verwyder uit oond en laat afkoel op draadrak.

Variasies
. Maak holte in rou koekies en skep bietjie appelkooskonfyt daarin. Bak
soos bo.
. Drup gesmelte sjokolade oor vir 'n soeter koekie.

JAN SMUTS-KOEKIES

Hierdie koekies is genoem na genl. Jan Smuts wat van 1919 tot 1924 en van 1939 tot 1948 die eerste minister van die Unie van Suid-Afrika was. Die resep lewer 4 dosyn koekies. Volgens oorlewering was die koekies destyds baie gewild onder genl. Smuts se aanhangers terwyl hul politieke opponente niks daarvan wou weet nie en net Hertzoggies gebak het.

Kors
400 g (750 ml, ongesif afgemeet)
koekmeelblom
10 ml bakpoeier
1 ml sout
250 g botter of margarien, by
kamertemperatuur
200 g (250 ml) suiker
2 eiers, geklits

Vulsel
125 g botter of margarien, by kamertemperatuur
125 g (150 ml) suiker
2 eiers, geklits
125 g (225 ml, ongesif afgemeet)
koekmeelblom
5 ml bakpoeier
100 ml fyn appelkooskonfyt


Voorverhit die oond tot 190°C (375 F).
Smeer die holtes van kolwyntjiepanne, of bespuit hull met kleefwerende middel.
Sif die koekmeelblom, bakpoeier en sout saam. Vryf die botter of margarien met die vingertoppe hierin totdat die mengsel fyn gekrummel is. Voeg die suiker by en meng. Voeg die eiers by en meng tot 'n deeg.
Rol die deeg sowat 3 mm dik uit op 'n meelbestrooide deegplank. Druk sirkels, 8 cm in deursnee, met 'n koekiedrukker uit. Voer die holtes van die kolwyntjie
panne met die deegsirkels uit.
Verroom die botter of margarien en die suiker saam. Voeg die eiers by en
meng. Sif die koekmeelblom en bak poeier saam en meng dit met die eiermengsel.
Skep 2 ml van die appelkooskonfyt in elke korsie. Skep 'n lepelvol vulsel daarop.
Bak die koekies 15 minute of tot goudbruin op die middelste oondrak. Keer hulle versigtig op 'n draadrak uit en laat afkoel.

KORENTEKOEKIES

Nog 'n resep wat dateer uit 'n 1914 resepteboek

130 g botter
400 g suiker (500 ml)
4 eiers (geskei)
375 ml melk
2 ml koeksoda
480 g koekmeelblom (4 x 250 ml)
150 g korente (250 ml)
5 ml kremetart

Klits botter en suiker saam tot lig en romerig. Voeg eiergele een vir een by terwyl voortdurend geklits word. Meng melk en koeksoda en voeg beurtelings met meelblom by bottermengsel. Roer korente daarby in. Klits eierwitte en
kremetart saam tot stYf en vou liggies by mengsel. Skep in gesmeerde kolwyntjiepanne en bak in voorverhitte oond by 200 grade C. 20-25
minute lank tot gaar.

MINETTE SE GEMMERKOEKIES Hierdie is nie die Minette wat so kan skryf nie, hierdie is die Minette wat kan kook en bak, nie dat die skryf Minette ook nie kan kook nie.........(Nou het ek myself ge-cover!- Peter)

185g margarine
250ml stroop
700g koekmeel
20ml koeksoda
20ml kremetart
60ml gemmer
550g bruinsuiker
5ml sout
3 eiers

Smelt botter en stroop in groot kastrol en laat afkoel. Voeg nou die eiers een vir een by die stroopmengsel. Gooi nou die bruinsuiker bo-oor en meng net tot die mengsel nat is. Sif droё bestandele en voeg by die die stroopmengsel en meng. Laat staan vir 2 ure, maak balletjies en bak 10 – 12 minute by 180ْ C. Die resep lewer omtrent 13 dosyn. Ek voeg maar altyd ń bietjie ekstra gemmer by, net vir liefde. Die is ’n regte outydse harde gemmerkoekie wat lekkerder word soos dit ouer word.
  

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

10 Desember - Vriende van Boeremusiek - afsluitfunksie vir 2005!

Vir meer inligting, klik hier

Maak ook sommer ‘n knoop in die oor vir ons Byeenkomste by die Voortrekker Monument op  10 Desember 2005…

Wia

Tel: 012 361 7097

082 5788907

E-pos: wia@telkomsa.net

Die Danville Hulp Groep

 
JEUGKAMPE

28 - 30 Oktober 2005 Danville dogterskamp

25 - 27 November 2005 Danville seunskamp.

Dit is die kampe wat ons beplan vir die res van die jaar. Die kostes sal
weer R250 per kind wees. Ons probeer om gemiddeld 60 kinders op 'n kamp te
neem indien ons borge vir hulle kan kry.

Hou asb hierdie 4 kampe ingedagte.

Ons kruideniersware insameling is
prioriteit nommer 1 - 10!! Versprei maar die woord na almal en op die
manier kan ons help om die hongerpyne te stil.

Terugvoer van Elsabe:

Goeiemôre vriende,
Die GENADE was so groot die afgelope maande - dit laat 'n mens heeltemal
nederig voel!
"Blessings" het op ons gereën.  Ek deel graag hierdie met julle.
Die koskaste is leeg en ek weet dat ons met erns sal moet begin "bedel"  en
wat gebeur - ons kry 'n donasie vir 'n hele bees!  en donasies van/vir
kruideniersware kom in!
Die nood vir houthuisies word groot - "hoe vra mens nou nog vir dit ook?"
Moet nie benoud wees nie!  - 'n paartjie  skenk sommer uit hulle eie  -
sonder dat ons hoef te gevra het - vir ons 2 pragtige splinternuwe
houthuisies!!!!
'n Bakkery se krag is af en hulle kan eers na 1 uur die nag begin bak - en
elke melktert wat uitkom het om een of ander onverklaarbare rede 'n krakie
in - die resultaat?  - Ons kry 100 heerlike melkterte present!  By
Bloudakkies ouetehuis kry elke gesin 'n halwe melktert en die res word by
die kinders, gesinne en die Andeon projek uitgedeel!  "Die een se dood is -
die ander se melktert"!! of hoe sê die spreekwoord.
Op 'n Sondagmiddag kry ek 'n HEERLIKE oproep!!! Kan jy 500 hoendertjies
gebruik?  - "Ek ril aan die gedagte van geveerdes my hele erf vol - (maar
sal nie nee dankie sê nie)  - en net toe ek "n paniekaanval" wil kry - red
die dame my!  - 
"Dit is klaar geslagde gevriesde hoendertjies" Die persoon het dit opgekoop
nadat die funksie waarvoor dit bedoel was nie so suksesvol was nie!!! - "Die
een se dood is - die ander se hoenders"!   Ek is regtig jammer vir die mense
wat so skade kry - maar ek is ook so verskriklik bly dat hulle eerste aan
ons dink!!
Uit die wins wat die Mathys Roets vertoning gemaak het, kon ons vir die
Rainbow kleutergroep - 10 tafeltjies - 40 stoeltjies - skryfbehoeftes -
speelgoed en die personeel se lone betaal.
Is dit dan nie hoe wonderwerke lyk nie???
Die Andeon projek - wat nou mos eintlik ons grondpad projek is word nou
mettertyd al hoe beter! Op 'n Sondagoggend maak ek 'n onverwagte
blits-besoek daar!  Groot is my vreugde toe ek "huisbesoek" doen by elke
plekkie - dit is silwerskoon - dit is pragtig binne - daar word tuine gemaak
- en die land is omgeploeg!  Nêrens sien jy 'n papiertjie of rommel lê nie.
MY HART JUIG!!!  Geen groter beloning op aarde nie!!

Vir die eerste keer in 'n redelike lang  tyd weet ek "Ons is besig om 'n groot verskil in dié mense se lewens te maak"

Die een dogtertjie daar is vir die eerste keer in haar lewe vir 'n jaar in
een skool!! en dit is aan die Andeon projek se ondersteuners en Arnold se
groot naasteliefde te danke! (Haar tande is ook nou al 50% beter - julle sal
onthou dat ons 'n Ortodontist gekry het wat haar gratis behandel?)

Gaan kyk gerus na die nuutste foto's op die webwerf.

Die Hannon Bothma grimeer werkswinkel was 'n ware fees!
Ons het gesien hoe 2 dames 'n metamorfose ondergaan - en toe darem weer moed geskep - daar is nog hoop vir ons oues!
Dit was 'n lieflike oggend en Hannon se kwinkslae het ons gedurig aan die
giggel gehad! Baie dankie aan Trudie en Wanda wat hierdie funksie gereël het

Intussen word dit tyd vir ons Christusfees - en met groot opgewondenheid
sien ek uit na al die wonderwerke wat weereens met hierdie Kersprojek ook gaan gebeur!!
Daar het al 'n paar geskenkies ingekom en ek voel sommer al lus om die
kersboom op te slaan!! (my familie dink ek is laf!)
Daar is heelwat beloftes vir donasies - en ek glo dat ons sommer binnekort
dit wat ons nie gaan inkry nie of kortkom - sal kan aankoop.  Dit lyk nou
dat die syfers en lyste begin inkom, dat ons ± 800 geskenke moet uitdeel! 
Moet nie bekommerd wees nie - julle sal onthou dat ons verlede jaar digby
1000 splinternuwe geskenke aan behoeftige bejaardes en kinders kon uitdeel!

Dan sal ons ook vir 250 gesinne  spesiale "Kerskospakke" moet gee en die
onkoste daaraan is ± R200 per gesin (vir 5 dae - met 'n gemiddeld van 5
persone per gesin) Die beraamde koste hiervoor - maar net R50 000!!!!! - 
Dit werk uit op R40 se kos per dag  - vir 'n gesin van 5 - vir 5 dae - oor
die feesseisoen!
Nou toe daar is dit nou alles - en sing jou hart nie nou saam met myne -

'HOW GREAT THOU ART - HOW GREAT THOU ART"

Ek glo en vertrou dat almal 'n wonderlike geseënde week sal geniet - en
nogmaals BAIE, BAIE, BAIE dankie aan almal wat help om hierdie wonderwerke te laat gebeur.

Ek hou julle op hoogte met al die heerlikhede!

Gebruik asb my e.pos adres by die huis - elecnet@mweb.co.za

Mooi dag
Elsabe

Sel:  082 8282 551
Faks:  012 991 2073
www.danvillehulp.co.za
elecnet@mweb.co.za

BANKBESONDERHEDE
Danville Hulp Projek
FNB - Brooklyn
Takkode: 251 345
Tjek rek:   620 546 34128
Verw:  (Kos - of - Kersfees of dit waarvoor die donasie is asb)

Regards

Elsabé  Blignaut


Ek is tans nog by die huis en julle is welkom om my enige tyd te skakel by :
Cell; 082 8282 551 e.pos elecnet@mweb.co.za
Gebruik asb hierdie e.pos adres vir enige korrespondensie.
286 Cliffendale rylaan Faerie Glen.

Danville Hulp Projek
FNB - Brooklyn
Takkode: 251 345
Tjek rek: 62054634128
Verw: Kos

webwerf: www.danvillehulp.co.za

Gaan loer gerus op die webwerf - die nuutste fotos van die kos insamel en
verspreiding is daarop onder "Danville Algemeen"

Mooi dag

Elsabe

Boereraat van die Week

Afrikaanse Lied

Snuffelhoekie

Soek jy plek om te gaan kampeer? Klik dan hier!

Druk jou speld op my besoekerskaart!

Kontak - Teken in/uit