Die Peter-jasie Patriot

Nommer 74

Afrikaans KOOK!!!

31 Aug 2005

Welkom alle nuwe intekenare!

As jy nog nie jou eksemplaar van my Boererate eBoek gekry het nie, klik hier vir meer besonderhede.

My CD wat Boererate sowel as Boeremusiek bevat, Rate en Plate,  is uiteindelik beskikbaar! Bestel jou eksemplaar sommer NOU!
Klik hier vir besonderhede!

Wil jy met gawe Afrikaanse mense kennis maak? My vriendin, Rosi, het 'n Yahoo Groep (Netvriende) waar mens sommer lekker met mekaar in Afrikaans kan kommunikeer! As jy sou belangstel, klik hier om Rosi te kontak vir meer besonderhede.

Hier is nog een van Minette Brink se artikels. Minette is verbonde aan die Republikein, die enigste Afrikaanse Dagblad in Namibië.

'n Krampagtige vasklou aan 'n verdwene jeug
Minette Brink

NA jare se desperate gesoek na die regte kopdokter en die regte pille om die chemiese wanbalanse in die brein te herstel, vind ek uiteindelik stilte in my gemoed.
Vir twee jaar na die groot ontdekking leer ken ons mekaar (ek, die kopdokter en die pille) en sowat 'n maand gelede kan ek vir die eerste keer in my lewe sê ek dink ek gaan orraait wees.
Die man met die grys jas staan nie meer op elke straathoek nie, die swart hond loop nie meer in die nanag nie en die wurggreep van angs pers nie meer die laaste lug uit my lyf nie.
Dit gaan goed. Ek is gesond. Ek is happy.
En toe hou 'n gesinstydskrif 'n kompetisie vir sexy oumas.
Toe ek daardie bladsy omblaai, is dit soos tyd wat vries. In daardie gevriesde oomblik slaat jou brein, jou lyf, jou hele wese brieke aan dat die rook trek.
Maar helaas. Tyd kan nie teruggedraai word nie.
Want jy moes nie omgeblaai het nie omdat dit wat jy daar sien, links bo in die hoek, laat alle emosies, vrese en neuroses met geweld weer losbars, soos V.S.B. (voor suksesvolle behandeling.)
Nee, nee, nee, brul dit in jou siel soos 'n ou kasset wat trek.
Maar jy kan nie jou verstarde oë wegskeur van die skokkende tonele op die blad nie.
Boude, borste, bobene, pruilmonde, gepluisde hare, mini-rompe soos boordjies, uitpeulbloese sonder skroom, gedrapeer oor rusbanke, uitgestrek op snoekertafels, bedruip oor gordynreëlings, geknoop om vensterknippe.
Oumas.
Ek word in die hoësorg-eenheid wakker met die kopdokter wat oor my hang.
Werklik, sug hy. Was dit nou regtig so erg?
Ek gaan aan die bewe en besef ek klou nog steeds aan die tydskrif.
“Hhnn….hhhnnn…”is al wat ek uitkry, beduie na Daai Een links bo in die hoek.
Hy sit nader en bekyk met skrefiesoë die rede vir my groot floute.
En kry terstond asemnood.
“Jy’s nie 'n kopdokter se dinges werd nie,” sê ek vies.”Die vrou het my jare teruggesit. Ek gaan sue, maar vir wie?”
Maar hy lag so dat ek nie gehoor word nie.
Ek pak my sakkie, gryp Die Tydskrif en storm by die hospitaal uit.
Skryf die ounag koud oor my diepe emosionele ontwrigting oor OUMAS en druk die send-knoppie met geweld.
Eers toe kan ek vir die eerste keer ontspan en die rede vir my ontwrigting probeer uitpluis.
Ek ken net een soort ouma. Dié met die grys hare en die potblou oë en die sagte hande.
Die ouma wat kosmaak, koekies bak, saam met die kinders met klei speel en babahondjies help vang.
Ouma met die breë skoot en die beskermende arms en die reuk van jasmyn, karringmelkbeskuit en anys.
My ouma wat net kerk toe 'n smeerseltjie ligpienk lipstiffie aangestip het sonder rooi kloue vir naels en hoog, geboë, pikswart wenkbroue. Sonder stywe nommertjies en hemelhoë spykerhakke om haar 75-jarige lyf op te balanseer.
Ja, stenig my op die markplein, noem my verkramp, eng, wat ook.
'n Ouma is 'n sagte, liefdevolle mens wat die lewe verstaan, wat baie lag, wat poetse bak, wat seerplekke wegtoor, wat skelm 'n geldjie in die hand stop.
Ouma lyk soos die enigste ligpunt onder al die inskrywings. Die même op die rotse van wie haar kleinkind skryf: my ouma is so sag soos sjokolade.
Nie iemand wat lyk soos 'n paaldanser in 'n ontkleeklub nie. Dink net hoe verskrik daai arme, arme kleinkindertjies saans moet wees om deur so iets in die bed gesit te word.
“Pasop Ouma, daai silikoon gaan ontplof as Ouma my so hard druk. Nee, nee, moenie my soen nie, daai rooi verf gaan NOOIT van my wang afkom nie! WHAA! EINA! Ouma se wrede nael het my oog uitgehaal!”
Ek is terug in intensiewe berading en 'n dubbele dosis medikasie. Daai Een links bo in die hoek…

Mens kan nogal redelike ordentlike fotos met 'n selfoon neem, ek was nogal verbaas. Klik hier om van my pogings te sien

Ek kry die volgende van Mel in Aussie, goed om te hoor dat Boerekos daar ook geniet word!:

Ek het hierdie vanaand gemaak vir aandete en dit is regtig VERSKRIKLIK lekker. Ek het dit as bygereg saam met gebakte wors (BOEREWORS!) gemaak. Dit was so lekker dat ek NOG mos maak omdat dit vir die huismense kwansuis te min was.
Barry sê daar geen kos op aarde wat lekkerder is as Boerekos nie!

Mel se Aartappeldis

1 Pakkie BRUIN UIE Sop Poeier
250gram GESMELTE BOTTER(1/2 Pond)
Meng goed saam en gooi oor Aartappels.
8 Medium GROTE AARTAPPELS.
Sny die Aartappels sulke kepies in maar moet nie deursny nie. Die maklikste is as jy die aartappel in 'n groot opskep lepel sit dan verhoed dit dat jy per ongeluk deursny.
Die Aartappels moet net gewas en nie geskil wees nie en verkieslik die peervormigge aartappeltjies. Dink hulle noem dit "Up to Dates" Maar ons kry dit nie altyd op die rakke nie en ek gaan maar vir dit wat die naaste daaraan lyk. Solank die aartappel net nie te groot is nie. Bedek met foelie en bak by 180ºc vir so +- 3/4 -1 uur.

Suid Afrika se nuutste en beste soekenjin

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!

Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Betaal jy teveel vir motorversekering?  
Klik hier vir 'n gratis aanlyn kwotasie!
Al wat jy dan moet doen is om te besluit wat om met die ekstra geldjie te maak

My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes,
101 Onweerstaanbare Poedings  en
101 Kraakvars Slaaie.
NUUT Nou ook 110 Spyskaarte

Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting. 

Webwerf soeklig

My Webwerf se Soekenjin

'n Tikkie Humor

Die een het darem Afrikaans ook in!

Piet and Anna went to the Garies Landbou Skou every year. Every year, Piet would ask:
"Anna, ek wil bietjie in daai helikopter vlieg."
And every year, Anna would answer:
"Jong, Piet, daai helikopter vlug kos vyftig rand. En vyftig rand is vyftig rand!"
One year, Piet and Anna went to the fair again. Piet said:
"Jong, Anna, vandag is ek 71 jaar oud. As ek nie nou op daardie helikopter klim nie, dan kan ek maar vergeet."
Anna replies:
"Jong Piet, daai helikopter vlug kos vyftig rand. En vyftig rand is
vyftig rand!"
The pilot overheard them, and since it was a quiet day, he decided to have some fun.
"Ek se julle wat. Ek neem julle altwee vir 'n rytjie. As julle vir die hele vlug stilbly, dan is die vlug verniet. So nie, dan betaal julle vyftig rand!"

Piet and Anna agree to the conditions, and into the chopper they got. The pilot took off, and did all sorts of rolls, dives, twists, turns and tricks. Not a word was said. He did all his tricks over again, this time even scaring himself. Still not a word was said.
They landed and the pilot turned to Piet:
"Bliksem! So iets het ek nog nie gesien nie! Ek het tot myself bang gevlieg, maar julle twee het niks gesê nie!"
Piet replied:
"Ek wou so graag iets gesê het toe Anna uitgemoer het, maar vyftig rand is vyftig rand!"
 

Die Resep

Ek wonder nog altyd wat maak die Amerikaners meet al daardie pampoen wat hulle uit die Halloween pampoene haal. Hier is die antwoord, dankie Mel!

AMERIKAANSE PAMPOENTERT

Kook geskilde snye pampoen in water tot dit mooi sag is.
Hier volg nou my resep: Voorverhit Oond 200° C
1 X 22cm ongebakte Tertkors
2-3 Koppies Pampoenmoes of “canned” d.w.s Blik.
1 koppie suiker
15gm òf 1 Eetlepelvol gerasperde suurlemoenskil
15gm òf 1 Eetlepel gemaalde gemmer
‘n Knypie naeltjies,
‘n Knypie neut
45gm botter (3 eetlepels)
2 Eetlepelsvol room
1 Eetlepelvol Brandewyn of bietjie meer!
Klop bogemelde “Alles” goed saam.
Roer nou in, die goed opgeklitste
3 Eiergele en 1 Heeleier met ‘n bietjie melk.
‘n Grypie Sout.

Proe, vinger aflêk en skep in tertkors, Bak 15 Minute en verlaag oond hitte na 180° C en bak vir verdere 35 – 40 minute.

Bedien warm of koud met geklitste room WERKLIK BAIE LEKKER.
 

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

Maak ook sommer ‘n knoop in die oor vir ons Byeenkomste by die Voortrekker Monument op  10 Desember 2005…

Wia

Kontabesonderhede:

Posbus 75144

Lynnwoodrif, 0040

Tel: 012 361 7097

082 5788907

E-pos: wia@telkomsa.net

Die Danville Hulp Groep

 
JEUGKAMPE

24- 26 September 2005 Pres Kruger Kinderhuis dogterskamp

28 - 30 Oktober 2005 Danville dogterskamp

25 - 27 November 2005 Danville seunskamp.

Dit is die kampe wat ons beplan vir die res van die jaar. Die kostes sal
weer R250 per kind wees. Ons probeer om gemiddeld 60 kinders op 'n kamp te
neem indien ons borge vir hulle kan kry.

Hou asb hierdie 4 kampe ingedagte.

Ons kruideniersware insameling is
prioriteit nommer 1 - 10!! Versprei maar die woord na almal en op die
manier kan ons help om die hongerpyne te stil.

Ek is tans nog by die huis en julle is welkom om my enige tyd te skakel by :
Cell; 082 8282 551 e.pos elecnet@mweb.co.za
Gebruik asb hierdie e.pos adres vir enige korrespondensie.
286 Cliffendale rylaan Faerie Glen.

Danville Hulp Projek
FNB - Brooklyn
Takkode: 251 345
Tjek rek: 62054634128
Verw: Kos

webwerf: www.danvillehulp.co.za

Gaan loer gerus op die webwerf - die nuutste fotos van die kos insamel en
verspreiding is daarop onder "Danville Algemeen"

Mooi dag

Elsabe

Boereraat van die Week

Afrikaanse Lied

EK HOU VAN JOU!

Woorde: M.C. BOTHA
Musiek: T.H. MATTHEWS

Ek vra nie na jou werk nie; ek vra nie hoe jy lyk;
ek vra nie na jou geld nie; ek vra net edelheid.
As jou siel net edel is en karakter rots gebou,
dan durf ek om aan jou te sê: "Ek hou, ek hou van jou!"

Jy sê jou werk is needrig; jy weet nie hoe jy lyk;
jy sê jy het nie geld nie; jou siel min edelheid.
As jou siel net edel is en karakter rots gebou,
dan durf ek om aan jou te sê: "Ek hou, ek hou van jou!"

Nou kom dan stap ons same; ons is mekaar getrou!
Daar's niks wat ons kan keer nie, solank as ons onthou!
As jou siel net edel is en karakter rots gebou,
dan durf ek om aan jou te sê: "Ek hou, ek hou van jou!"

Dit en dat....

Druk jou speld op my besoekerskaart!

Kontak - Teken in/uit