Die Peter-jasie Patriot

Nommer 7

'n Passie vir Afrikaans

14 November

Dinge begin nou dol raak hier.  Nooit gedink 'n pensioenaris se sosiale kalender kan so vol wees nie! Seker maar die tyd van die jaar wat almal afskeide en partytjies reël.  Voor aftrede was ek gewaarsku dat ek myself moet besig hou en aktief bly.  Nou wil ek liewers weer gaan werk waar ek minder besig en minder aktief was!

Het die week vir Gys de Villiers ontmoet en 'n webwerf vir hom bespreek. Een van die dae is dit klaar dan kan julle ook sien!

My "Christmas Hamper" van die bank waar ek gewerk het arriveer to gister, propvol snuisterye, soomer luukshede ook wat mens nie elke dag gaan koop nie, ons gaan smul tot lank na Kersfees. Moet net onthou dat ek op dieët is en nie alles op een slag verorber nie. Doreen sal vir ek en Lorraine "ration'!

My komper gaan die week in om opgradeer te word, het nou te stadig geword om video te redigeer, so hy gaan 'n volksie in en kom 'n Porsche uit!

'n Tikkie Humor

HUWELIKSERTIFIKAAT : 'n Soort jaglisensie wat jou tot een bok beperk.
KRAAI : Spreeu in 'n aandpak.
KREDIETKAART : Iets wat meeste mense gebruik wanneer hulle ontdek geld kannie alles koop nie.
VLEISBRAAI : 'n Partytjie waar die kos so 'n bietjie rou en die gaste so'n bietjie gaar is.
WITTEBROOD : Die vakansie wat 'n man neem voordat hy vir 'n nuwe baasbegin werk.
ALMANAK : 'n Kaart waarop jy kan sien hoe om by Kersfees uit te kom.
AMBULANS : Kombi met diskoligte.
BAAS : Wat Ma vir Pa laat dink hy is.
BABA : 'n Soort engel waarvan die vlerke korter word namate die bene langer word. BABAWAENTJIE : Verlede jaar se pret op wiele.
BEGROTING : Iets wat jou laat wakker lê nog voor jy jou geld bestee.
BELASTING : Die beloning vir energie, harde werk en spaarsamigheid.
BOOM : Iets wat jare op een plek bly staan en dan skielik op 'n dag voor 'n voertuig inspring.
BROMMER : Vlieg met 'n dieselengin.
BRUIDEGOM : Imand wat hom teen iets taais vasgeloop het.
BRUNET : Uitgebrande blondine.
DIEET : 'n Manier van maer word waarvoor jy gou dik word.
EEND : 'n Hoender met roeispane vir voete.
EIER : 'n Voël se geboortedo(r)p.
ETENSTYD : Die enigste tyd wanneer 'n kind nie wil eet nie.
GERAAMTE : Iemand met sy binnekant buite en sy buitekant weg. GESINSVAKANSIE : Wanneer jy alles saamneem waarvan jy eintlik wil wegkom. GEWETE : Iets wat pla as alles baie lekker gaan.
HELIKOPTER : Eierklitser met ambisie.
INRYTEATER : 'n Plek waar jy ou prente en jong paartjies aantref.
KARSIEK : Dit wat jy elke maand kry as jy die paaiement moet betaal.
KORTPAD : 'n Pad waarop jy niemand kan kry om jou te sê waar jy is nie.
LEKTOR : Iemand wat die rare talent het om 'n student aan die slaap tepraat.

Die Resep

Brokkies

Ons was toe laas naweek in die Kruger Park, slaap toe die Saterdag aand oor by Olifants kamp met die beste uitsig in dioe park. Net jammer die Olifantsrivier was so leeg! Die sonsondergang wildsbesigtigingsrit was ook baie suksesvolmet volop diete te siene en 'n baie goeie gids. Sy naam is Paul en hy het oë soos 'n valk, wat natuurlik baie gehelp het om die diere raak te sien. Dit was ook maansverduistering maar ek was nou regtig nie lus om drie uur die oggend op te staan om na die maan te gaan kyk nie.  Ek sien toe die hele gebeurtenis in elk gaval op my skootrekenaar met die "Sterry Night" sagteware.

Die komende naweek gaan ons by die Vaalrivier kamp, ons eerste keer in 'n tent, ons sal maar moet sien hoe dit gaan. Miskien bied ek maandag 'n tent te koop aan!

Elsabe is kliphard besig met die nodige reëlings vor die Kersboom op die 6de Desember. Hou maar die webblad en die Kersboom bladsy dop vir verwikkelinge, skakels hieronder

 (Kersboom en kinders se wenslys) (Die Danville Hulpgroep) (Kersboom)

Kontak - Teken in/uit