Die Peter-jasie Patriot

Nommer 64

'n Passie vir Afrikaans

15 April 05

Welkom alle nuwe intekenare!

Frik Lombaard het vir my 'n hele klomp kosstories gestuur, hier is een van hulle, dankie, Frik!

Begrafnis maal

Iemand wat baie tyd op sy hande gehad het, het eendag uitgewerk dat ‘n mens in sy leeftyd sowat 20 000 ure spandeer aan eet. Dit is ongeveer 834 dae, net meer as 2 jaar van jou lewe eet jy. Dit is eintelik astronomies as mens daaraan dink. Dit is geen wonder dat die dag as ons die tydelike met die ewige verwissel mense ook eet nie.

In die ou Germaanse tye is daar offergawes op die grafte geplaas. Hierdie dode-offers is later vervang met lijkmaal. Die Germaanse lijkmaal is by die graf gehou. So is die gebruik ook oorgedra Nederland toe. Teen die 17de eeu is daar buitensporige en uitspattige begrafnis male gehou. By vername boere is die maal sommer 2 dae lank gehou.

So het die tradisie ook oorgewaai na Suid Afrika toe. Adam Tas maak in sy dagboek melding van ‘n Stellenboschse begrafnis op ‘n buurplaas. Hy het die volgende na die buurplaas gestuur : 5 emmers wyn, 1 ham, 3 stukke skaapvleis en 3 brode. Hy het gemeen dat die oorledene in “goed fatsoen” begrawe is. Die verskeidenheid voedsel en veral die hoeveelheid het aangestoom hoe welaf die oorledene was.

Daar is verskeie begrafnis rekeninge in die Kaapse argief wat aantoon dat brood en koekies ook geëet is tydens begrafnisse. In die begin van die 18de eeu is die etes by die sterfhuis gehou met brood en wyn. Tydens die 18de eeu is daar ook begin om begrafnis rys, rys gekook met borrie en rosyne, saam met vleis voor te sit.

Daar is natuurlik ook nie net by eet gehou nie maar waar kos is drank ook. Gewoonlik is by die etes wyn en bier gedrink. Later het wyn begin om ‘n al hoe belangriker rol te speel, soveel so dat die mense beskonke (wat ‘n mooi woord) huistoe gegaan het

In die ou dae is daar aangevoer dat die mense van ver gekom het en na die begrafnis en dan na die begrafnis is hulle dan vir ‘n ete genooi by die oorledene se huis. Die ete is ook gesien as eerbetoon aan die oorledene en dan is daar ook nog gevoel dat die oorledene dit so sou wou gehad het aangesien die mense sou dink hy is suinig as daar nie ‘n ete by sy huis was nie.

In latere tye het die begrafnis maal sommer in ‘n feesmaal ontwikkel. Met ‘n begrafnis is skape geslag en bure het eetgoed saamgebring. Die tafels het gekreun onder die frikkadelle, sousboontjies, rys en aartappels. Dit was ook tradisie dat ‘n goeie beleë wyn saam met die ete bedien moet word. So het mense dan ook vaatjies wyn bo op die solder saam met hulle kiste gebêre. In 1907 is daar gemeld dat ‘n Kotze van Redelinghuys se begrafnis wyn 53 jaar gestaan en verouder het.

Blykbaar in daardie jare het die predikante gesukkel om die mense te oorreed om nie wyn saam met die maal te bedien nie. Want blykbaar het dit te lekker gegaan op die etes.

Soos die tye verander het die begrafnis etes ook verander. Aangesien mense nie meer dae lank moet rys na ‘n begrafnis toe nie, word daar nog geëet maar op ‘n baie kleiner skaal. Maar eet moet ons eet op ‘n begrafnis al is dit net ‘n toebroodjie.

Klik hier om my Webjoernaal te bekyk. Lewer gerus kommentaar deur op comments te klik en maak jou keuse op my KKNK meningspeiling. Om jou eie Blog te skep, gaan kyk by Blogger.com

Ek probeer ook om 'n volledige lys van ons land se feeste op 'n blad te sit, gaan kyk gerus hier. As julle weet van 'n fees wat ek nog nie het nie, stuur asseblief vir my die besonderhede. As julle fees wel op die bladsy is maar sonder kontakbesonderhede, gee die ook vir my.

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!

Leef 'n kind met ............

Leef 'n kind met kritiek
leer hy om te veroordeel.
Leef 'n kind met spot
leer hy om skaam te wees.
Leef 'n kind met skande
leer hy om skuldig te wees.
Leef 'n kind met eerlikheid
leer hy regverdigheid.
Leef 'n kind met veiligheid
leer hy om geloof te hê..
Leef 'n kind met aanmoediging
leer hy selfvertroue.
Leef 'n kind met verdraagsaamheid
leer hy geduld.
Leef 'n kind met vriendskap
leer hy om liefde in die wêreld te vind.

As Ek My Lewe Kon Oorhê

Iemand het my die ander dag gevra: "as jy jou lewe kon oorhê, sou jy iets verander het?"

"Nee," het ek geantwoord, maar toe begin dink...

As ek my lewe kon oorhê, sou ek minder gepraat het en meer geluister het.

Ek sou vriende oorgenooi het, al was die mat dof en die meubels verweer.

Ek sou roomys in die 'goeie' sitkamer geëet het en minder oor die gemors bekommerd gewees het as iemand die vuur in die vuurherd wou aansteek.

Ek sou nie daarop aangedring het dat die motor se ruite toe moet wees in die somer omdat my hare deurmekaar waai nie.

Ek sou die pienk kers wat soos 'n roos lyk aan die brand steek voordat dit gesmelt het terwyl dit gestoor was.

Ek sou minder gehuil en gelag het terwyl ek televisie kyk, maar ek sou dit meer wou doen terwyl ek die lewe aanskou.

Ek sou bed toe gegaan het as ek siek was en nie voorgegee het dat die wêreld sonder my sal stilstaan nie.

Ek sou nooit iets gekoop het net omdat dit nie stof wys/ 'n leeftyd hou/prakties/kreukeltraag is nie.

Instede daarvan om nege maande se swangerskap om te wens, sou ek elke oomblik daarvan geniet het. Om die wonder te besef van 'n lewe wat binne my besig is om te groei en om vir God te help met hierdie wonderwerk.

Sou my kind my in sy voortvarendheid soen, sou ek nooit weer sê: "Later. Gaan was nou eers jou hande sodat ons kan eet."

Daar sou meer "EK IS LIEF VIR JOU", meer "EK IS JAMMER" wees.

Maar veral, indien ek nog 'n kans in hierdie lewe sou kry, sou ek elke minuut aangryp, daarna kyk en dit waarlik RAAKSIEN, dit belewe, en dit nooit teruggee nie!

Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Betaal minder vir jou kort termyn versekering  klik hier! Dit werk werklik! Ek self betaal nou meer as R400 per maand minder

My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes,
101 Onweerstaanbare Poedings  en
101 Kraakvars Slaaie.
NUUT Nou ook 110 Spyskaarte
Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting. 

Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!
 

My Webwerf se Soekenjin

'n Tikkie Humor

Blondie storm die noodgevalle by die hospitaal in met die punt van haar
vinger afgeskiet.
"Hoe het dit gebeur?" vra die dokter.
"Wel, ek wou selfmoord pleeg" verduidelik blondie. "Toe ek die pistool teen
my bors druk, besef ek dat ek nou net R30 000 betaal het om my buuste mooi
te maak. Toe druk ek die pistool in my mond maar onthou toe dat ek nou net
R20 000 betaal het om my tande mooi te maak. Ek druk toe die pistool in my
oor maar besef toe dat dit seker vreeslik sal raas. Ek druk toe my vinger
in die ander oor en trek die sneller!"
 

Die Resep

Nog een van my persoonlike gunstelinge:

KAAS EN HAMTERT

30 ml botter                                                    30 ml koekmeel
10 ml gegeurde seesout                                   'n knippie rooipeper
5 ml droë mosterd                                            375 ml karringmelk
250 g ham, of weense worsies in dun repies     250 ml cheddar kaas, grof                                                                         gerasper
30 ml fyn gekapte pietersielie                          3 eiers, geklits
pasteideeg

Bak die pasteideeg 10 minute sonder vulsel by 220 C. Verhit die oond tot 180 C. Meng die botter, meel, sout, rooipeper en mosterd oor lae hitte. Roer die karringmelk by en meng glad. Roer en kook 2 minute, verwyder van die hitte. Laat effens afkoel. Roer die ander bestanddele by. Skep die vulsel in die vooraf gebakte pasteikors. Bak 45 minute tot mooi bruin en pofferig.
 

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

30 April - Manie Erasmus: Dans by Voortrekker Monument

28 Mei - Vrystaat : Witwarm winteropskopdans
Manie Erasmus: Dans by Voortrekker Monument

11 Junie - Vriende van Boeremusiek: Voortrekker Monument heeldag boeremusiekvermaak

25 Junie en verder ook elke laaste Saterdag van die maand vir die res van die jaar! Manie Erasmus: Dans by Voortrekker Monument

30 Julie - Vrystaat lededag

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

Die Danville Hulp Groep

Daar is geen einde aan Elsabe nie, sy is nou alweer besig met 'n nuwe projek, 'n Huis Van Beskerming in Lydenburg! Lees verder en help asseblief as julle kan!

Hoe lekker om met 'n juigende hart te kan sê - Die wonderwerke is hier en besig om te gebeur!!!

Ek het so pas gesien dat ons 'n 2e donasie van R3000-00 ontvang het!!!!

Baie baie dankie - Kyk nou net - nou kort ons net R85 000-00.

Onthou asb dat elke rand of sent wat geskenk word gaan bydra tot die groot bedrag wat ons nodig het. Al is dit net 'n R5 donasie - dan is ons al R5 nader aan die groot totaal! Enige bedrag is broodnodig en bitter welkom!

Ek sal julle op hoogte hou van die uitstaande balans. Bid asb saam met my vir hierdie enorme projek!

Baie dankie aan ons Hemelse Vader wat besig is om hierdie projek van stapel te stuur en baie dankie aan almal wat 'n plek in hulle harte het vir die wat swaarkry!

Onthou asb om by die verwysing : " Veilige Hawe of Huis van Beskerming" te skryf. Dan kan ek maklik boekhou van die inkomstes vir hierdie projek

En dan, die GROOT nuus!

Groot, goeie, fantastiese nuus!!!!

Die tender is aan die Danville Hulp Projek toegeken. Die huis is ons s'n!!!

Nou kan die dinge begin gebeur (en sommer met 'n groot spoed!) Ek het nou 10 dae om die geld bymekaar te maak en die huis te skuif! (Nog net R85 000-00 uitstaande!)

Ek glo dat ons dit sommer nog voor die 10e dag sal kan doen!

Help my asb om hierdie doelwit te bereik sodat ons na ons vrouens en kinders in nood kan omsien!.

Versprei asb die inligting oor die " huis" na almal en almal wat dalk iemand kan ken wat ons kan help!

Hierdie is sekerlik die grootste uitdaging nog ooit vir ons projek!!!

Kom ons kyk of ons vir Elsabe met hierdie uitdaging kan help! Laat weet van julle aseblief!

Hier is die Projek se kontakbesonderhede, kontak gerus vir Elsabe as julle wil betrokke raak of op die poslys kom.

Danville Hulp Projek
Elsabé Blignaut
Cell: 082 8282 551 na - ure
Huis: 012 991 3914 na-ure
Faks: 012 991 2073

Posbus 2839 Faerie Glen 0043
286 Cliffendale rylaan Faerie Glen
E.pos: elecnet@mweb.co.za
Webwerf: www.danvillehulp.co.za

Bankbesonderhede
Danville Hulp Projek
Eerste Nasionale Bank – Brooklyn tak
Bankforum gebou -
Bronkhorst straat - NuMuckleneuk
Swift kode: FIRNZAJJ 926 (Internasionale inbetalings)
Takkode: 251345
Tjek Rek. nr: 62054634128
Nie Winsgewende Organisasie Art. 21
"Expectra 97 - Co 2003/017115/08
 

Ek het laasnag, terwyl ek wag op nuwe dag Eers die plafon gelê betrag Darem tyd gehad om ook te bid vir krag So - in die middle van die nag Gewonder ook, wat op my wag Hierdie nuwe dag op wie ek wag Daarop kry ek toe byna lag Diè dag is dieselfde as elke ander dag... Ons almal mos opgevang in gewoontes' mag Ook tydjie ingeruim vir DANKIE sê Want ek het mos alles wat ek graag wil hê Huis en kos en hope kleer - tot honde wat by voete lê So het ek in my gebedjie opgesê Kom by my gedagte op... Andere se middele is dalk op Met tiensentstuk en halwe brood Moet hul die begroting maar laat klop Die gaatjies daar met papier toestop As die wind die stof die huis vol skop Laat hand en beurs en hart tog klop Vir die outjies wie die lewe skop Terwyl hul lê - want wie anders tel tog op?? Die lewe en sy swaar het pa en ma geklop Met oë wat afstaar vanuit geboë kop Terwyl die groottoon die grond versigtig skop Kom, ons vat hand ek en jy - ons tel hul op Die weeskind met die stukkend pop Die outjie wie se pa net dop

Boereraat van die Week

Afrikaanse Lied

Dit en dat....

Druk jou speld op my besoekerskaart!

Kontak - Teken in/uit