Die Peter-jasie Patriot

Nommer 56

'n Passie vir Afrikaans

17 Desember 04

Hoop dit gaan voor die wind met almal en dat al die Kersinkopies alreeds gedoen is.  Ons bly nou maar weg van die winkels, parkeerplek is bykans onbekombaar en die mense vertrap jou. Daar is egter nog hoop as jy op die maklike manier 'n geskenkpakkie wil stuur, gaan na die Netflorist webwerf en laat hulle die werk vir jou dien, baie maklik.

Hierdie sal die laaste uitgawe van 2004 wees. Mag die vrede van Kersfees in oorvloed met julle almal wees en mag 2005 vrede en voorspoed bring!

Dit is nou die tyd van die jar waar ons almal so effens ooreet en dan moet ons swoeg en sweet in Januarie om weer van die oortollige gewig ontslate te raak.
Frik Lombaard het 'n paar idees oor hoe om die skade te verminder:

Van Grootgat na Maargat

So ‘n ruk gelede was daar ‘n Kompetisie in Cullinan gewees wat hulle genoem het die Groot Gat Godin. Dit was ‘n skoonheidskompetisie met ‘n verskil gewees, want al die dames wat aan die kompetisie deelgeneem het, was, wat sal ons nou sê, groot van gestalte gewees. Cullinan is natuurlik bekend daarvoor dat dit die plek was in Suid Afrika waar die eerste diamant opgetel was. Die groot gat kom seker van Cullinan se diamantgat af. Voor ek nou iets hier sê wat ek nie moet sê nie, laat ek maar wegkom van die groot gatte af.

Hier is nou ‘n paar stukkies wyshede om van die groot gat ‘n kleiner gat te maak. Myself is nie juis van die kleinste nie.

• Eet twee to drie keer meer groente as vleis. Die groente sal jou gou versadig maak en jy sal dan so minder vetterigge vleis eet.
• Laat die velle waai. Wanner jy hoender gaarmaak, vermy die versoeking en trek die hoender se vel af. Jy sal so plus minus 15 kalorieë minder inkry.
• Drink minder 100% suiwer vrugtesappe en eet meer vars vrugte. Wanneer jy vrugtesappe drink kry jy meer gekonsentreerde kaloriee en en baie min vesel. Hier is iets wat my geskok het, lemoensap bevat meer kaloriee as wat Coke bevat. Ja vrugtesappe is gesond. Maar hou net matigheid voor oê.
• Maak jou middag broodjie van volgraan brood. Volgraan brood bevat meer viatmines en ander goed wat gesond is.
• Probeer om meer groente saam met jou middag broodjie te eet. Maak ‘n slaai, of neem die slaai en sit dit in ‘n pita broodjie. Slaai sal die hongerpyne verdryf wat so in die laatmiddag pla.
• Probeer om lae vet kaas te eet. ‘n Lekker dik stuk kaas oor die burger kan meer kaloriee bevat as wat die burger self bevat. Onthou net altyd om die etiket te lees, veral wanneer jy laevetkaas koop. Ek het dit al self ervaar dat sekere “lae vet” produkte meer vet bevat as die gewone produkte.
• Wanneer jy daardie toebroodjie maak, probeer om net blare en tamaties, of enige ander groente op te sit.
• Probeer om minder of geen koeldrank te drink nie. Onthou daardie blikke koeldrank bevat omtrent 145 teelepels suiker. Drink eerder water met ‘n skyfie suurlemoen daarin. As dit nog nie in jou smaak val nie, drink dan eerder gegeurde water. Om jou eie gegeurde water te maak meng 1 deel vrugtesap met nege dele water.
• Water, water en nog water. Probeer om van jou koffie en tee wat jy drink met water te vervang. In al die dieete wat ek al gesien het, beveel hulle aan dat jy min of meer 8 glase water per dag moet drink. Nou wonder ek of dit nie dalk die water is wat help met die gewigsverlis nie.
• Probeer om laevet melk te gebruik.
• Indien jy ‘n gesonde eetlus het, en daardie aandete behoorlik geniet en na die tyd nog peusel, probeer om rou groente voor jou aandete te eet. Dit sal jou versadig laat voel en dan sal jy nie meer so gretig wees om daardie bord aan te val nie.
• Wanneer jy jou lus nie meer kan hou vir daardie burger nie, gaan koop vir jou een maar bestel dan die “kiddies” burger. Hy is net so lekker maar heelwat kleiner. Kleiner = minder kaloriee.
• Wees maar spaarsamig as jy slaaisous gebruik. Daar is nou ‘n vetbom. Probeer om sommer ‘n slaaisous te maak van asyn’ sout en peper. Of probeer om suurlemoensap oor jou slaai te gooi. Dit is heerlik en bring ‘n ander smaak dimensie na vore.
• Eet minder nagereg. Moet nie die hele bakkie eet nie, los sowat ‘n kwart van die nagereg oor. Jy kan dieselfde doen met kos. Leer jouself om minder te eet. Los daardie tweede aartappel of helfte van jou porsie rys in jou bord.

Die bogenoemde is vir ons mense wat wil probeer om gesonder te leef. Maar vir die dames wat aan die grootgat kompetisie deelneem, het ek net een stukkie raad voor en dit is eet, eet en nogmaals eet.

Ek het die volgende nogal interessant gevind, 'n heel ander uitkyk op die lewe:

"Life should NOT be a journey to the grave with the intention of arriving safely in an attractive and well preserved body, but rather to skid in sideways, chocolate in one hand, martini in the other, body thoroughly used up, totally worn out and screaming "WOO HOO what a ride!"

Geniet die rit!

Ons spandeer almal teveel oor die vakansietyd en alles word ook duurder in die nuwe jaar.  Verlig die las deur jou kort termyn versekeringspremies te verminder, vir gratis aanlyn kwotasie, klik hier!

My Webwerf se Soekenjin

'n Tikkie Humor

Eksamenflaters

* Die negentiende eeu was 'n tyd van baie uitvindsels. Mense het opgehou om met die hand te reproduseer en met masjiene begin reproduseer. Die uitvinding van die stoomboot het 'n netwerk van riviere laat ontstaan.

* Johann Bach het baie musiekkomposisies geskryf en ook baie kinders. Hy is dood sedert 1750 tot vandag toe. Bach was die beroemdste komponis in die wêreld en Händel was ook. Händel was half-Duits, half- Italiaans en half-Engels. Hy was 'n baie groot man.

* OU Egipteland was bewoon deur mummies en hulle het almal in hierdie griewe geskryf. Hulle het in die Sarah-woestyn gewoon. Die klimaat was só erg dat al die inwoners op ander plekke moes bly.

* Moses het die Hebreeuse slawe na die Rooi See gelei waar hulle ongesuurde brode gebak het, dit is brood wat sonder enige bestanddele gemaak is. Moses het die berg Sianied uitgeklim om die tien gebooie te kry.

* Salomo het driehonderd vroue en sewehonderd byekorwe gehad.

* Die Grieke was 'n hoogs gekulde veervolk en sonder hulle sou ons nie 'n geskiedenis gehad het nie. Die Grieke het ook mites gehad. 'n Mite is 'n motwyfie.

* Sokrates was 'n beroemde Griekse wydsheid wat rondgeloop en mense raad gegee het. Hy is dood aan 'n oordosis willekeur. Ná sy dood het sy loopbaan dramaties agteruitgegaan.

* In die ou Olimpiese Spele het die Grieke kaal resies gehardloop en disnis gegooi.

* Julius Caesar het homself op die slagvelde van Gallië onderskryf. Toe hy doodgaan, het hy gesê: 'En toe, boetie?'

* Johanna van Arkel het van 'n stapel brandwonde gesterf.

* Koning Elizabeth was 'n sukses. Sy het haar volk se probleme aangetrek en wanneer sy haar so aangetrek het voor haar soldate, het hulle almal geskree: 'Hoera!'

* Dit was 'n tydperk van groot uitvindsels en ontdekkings. Gutenberg het die wynpers en die Bybel uitgevind. Nog 'n belangrike uitvindsel was die bloedsomloop. Peter Stuyvesant is 'n geskiedkundige figuur, want hy het sigarette uitgevind en begin rook.

* Die grootste skrywer van die Renaissance was William Shakespeare. Hy is in die jaar 1564 gebore en party mense dink dit was op sy verjaardag. Hy het nooit geld gemaak nie, en is net beroemd oor die toneelstukke wat hy geskryf het. Hy het tragedies, komedies en historektomieë geskryf. Romeo and Juliet is een voorbeeld.

* Abraham Lincoln het Amerika se grootste presedent geword.
Lincoln se ma is dood toe sy nog 'n babatjie was en hy is gebore in 'n
houthut wat hy met sy eie hande gebou het. Hy is later doodgeskiet deur John Wilkes Booth, wat hulle sê 'n mal akteur was. Dit het Booth se loopbaan heeltemal geruïneer.

* Beethoven het musiek geskryf al was hy doof. Hy was só doof dat hy harde musiek geskryf het. Hy het ver in die woude gaan loop selfs al het almal na hom geroep. Beethoven het in 1827 opgehou bestaan en dis hoekom hy later dood is.

* Louis Pasteur het 'n manier uitgevind om dol honde gesond te maak.

* Charles Darwin was 'n natuurkundige wat die Organ of the Species
geskryf het.
 

Geldmaak op die Internet?? Hier is geleenthede wat WERK!

Die Resep

KOUE KERSFEESPOEDING

1½ koppies fyn gerolde Marie beskuitjies     8 malvalekkers
¼ koppie suiker                                            ½ koppie gekapte neute
125ml gemengde skil                                    ¼ teelepel fyn neut
250ml room                                                 ¼ koppie lemoensap
mespunt kaneel                                            125ml dadels
gerasperde skil van 1 suurlemoen

Meng krummels, vrugte, neute, skil en speserye. Verhit die lemoensap en los die malvalekkers daarin op. Voeg die suiker by en gooi oor die krummels en vrugte. Klop die room styf en vou dit by die mengsel in. Plaas die nagereg in die yskas om styf te word.

 

Boeremusiekdagboek

Boereraat van die Week

Afrikaanse Lied

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer en die Andeon plotte! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

Druk jou speld op my besoekerskaart!

Kontak - Teken in/uit