Die Peter-jasie Patriot

Nommer 51

'n Passie vir Afrikaans

8 Oktober 2004

Voor julle verder lees wil ek nat graag dat julle na die volgende sal gaan kyk. Dit is terugvoer van Elsabe oor van hulle projekte by die Danville Hulp Groep. Hierdie is fantastiese werk wat gedoen word deur ons mense vir ons minder bevoorregte mense, klik hier om te gaan kyk wat hulle doen, en as julle enigsins kan help op enige manier, doen dit asb!

Ek stuur twee nuusbriewe uit, hierdie een in Afrikaans en nog een in Engels. Ek gaan hulle van nou af om die beurt uitstuur, die Engelse een  om en by aan die gegin en die middel van die maand en hierdie een om en by die 7de en 21ste van die maand. As julle na die Engelse een wil gaan loer en dalk ook inteken, klik hier. Elke nuusbrief het 'n Suid Afrikaanse resep tema met 'n paar resepte en ook plaas ek 'n artikel oor 'n krui in elke nuusbrief.

Ons het toe mos in die Rustenburg Kloof gaan kamp oor die lang naweek, baie lekker gewees, bietjie winderig maar mooi weer andersins. Ek het 'n Yahoo Groep en ons het 'n kompetisie gehou waar die mans in die groep op hulle eie 'n driegang maaltyd moet voorberei, die dames reken mos ons is te vol fiemies as dit by hulle kos kom en ons moet bewys ons kan dit self beter doen. My Groep se lede is wêreldwyd en behalwe myself was daar deelnemers van Melbourne en Fairbanks in Alaska. Siende dat ons gaan kamp het ek besluit om  kampkos voor te berei, 'n osstert potjie met souskluitjies, 'n bier en biltong potbrood en plaatkoekies met pynappel Die souskluitjie (of dambie) was een enkele souskluitjie waar jy die deeg bo oor die inhoud van die potjie smeer en dit dan so laat gaar stoom in teenstelling met die meer gewone kleiner kluitjies. Kilk hieronder om die resultaat vam my pogings te sien, ek sal op aanvraag die resepte van die disse uitstuur, ePos my net. (Die resepte is in Engels) Klik op die fotos om 'n groter weergawe te sien.

Die Kloof storie laat my nou aan die goeie ou dae dink to ek as jong bankklerkie van Mahalapye na Rustenburg verplaas het. Die tyd tussen 1969 en 1973 hou baie aangename herinnerings vir my in. Daar was 5 van ons wat Renault Alconi's besit het en ons het ons aande deurgebring voor Tony's Cafe daar by die stadsaal. As ons ingaan Tony's toe vir coke en slapchips het ons altyd die parkeerligte van die Renaults aangelos, soort van ons kenteken! Goeie ou dae, daardie. Ons kom nou redelik gereeld in Rustenburg en ek ken amper nie meer die plek nie!. Wonder of van die jongmense van die vroee 70's hierdie lees en met my in aanreking wil kom, Julle is welkom, hier is my ePos.

Hier is nog een van Frik Lombaard se kos artikels, alles oor Hoendergatvere

Cocktails

Alles in die lewe het ‘n oorsprong, maar partykeer baklei mense om hulle weergawe van die oorsprong as waar en korrek te verklaar. So is dit ook nie anders met Cocktails nie. Die oorsprong kan moeilik bepaal word, en gelukkig ook so vir ons, want nou is hier ‘n paar interessante stories om te lees.

Gedurende die Revilisoeinere Oorlog in Amerika van 1763 tot 1810 het die Franse en Amerikaanse soldate gereeld besoek gebring aan die kroeg Hall’s Corner in New York. Daar het die kroeg dame ‘n drankie bedien wat sy Betsy’s Bracers genoem het. Amerikaanse soldate het gereeld hoenderhane gesteel by die Britse troepe. Nou is die storie onduidelik, maar lyk my die hane het saam met die manne gaan drink.

Elke keer as hulle Betsy’s Bracers gedrink het, het die Amerikaanse soldate geskreeu “Here’s to the divine liquor which is as delicious to the palate, as the cock’s tail is to the eye”, waarop die Franse soldate dan geskreeu het “Vive Le Cocktail”.

‘n Volgende storie is van ‘n ander kroeg ook in NY waar die kroeg eienaar stories aan die kliënte vertel het en ook sy mooi dogter daar laat werk het om guns te wen by sy kliënte. Peggy, die eienaar se dogter, het glo ‘n sterk en gevaarlike konkoksie gemaak, waarvan sy die resep geheim gehou het.

Peggy was verlief op ‘n matroos en toe hy eendag terugkom van sy ervaringe af het hy en sy geliefde vegtende hoenderhaan saam gehad. Die hoenderhaan se naam was Lighting. So het Peggy dan vir die matroos en die haan ja gesê. Die aand na die troue in die bed, toemaar ek weet, het Lighting gekraai (of het hy dalk gelag) en een van sy stertvere het losgekom en in een van die drankies geval. Peggy was so opgewonde (oor ‘n haan se veer, ek glo nie) dat sy uitgeroep het Lighting het die drankie sy naam gegee “Cocktail”.

Hier volg net so ‘n paar ongewone Cocktails uit Rocce de Villiers se boek Roctails.

Hier is my gunsteling
Jalatini
Die byskrif by hierdie een is “This one will change your blood group”
Chilli
2 Dele Vodka
½ t fyn gekapte jalapeno
½ t gerasperde suurlemoenskil
fyngekapte knoffel na smaak
ys

Plaas ‘n klein chilli in die glas. Plaas die ander bestanddele in ‘n cocktail shaker en skud goed. Gooi in glas en geniet.

Hier is nog ‘n egte Suid Afrikaanse cocktail. Nou wonder ek wat sal ‘n mooi afrikaanse woord wees vir cocktail. Hoendergatvere ? Laat weet my asb wat ons cocktails kan noem in Afrikaans. Die regte benaming is mos skemerkelkie maar kan ons nie ‘n ander benaming kry nie.

Kruisement blare
½ mampoer verkieslik Pynappel
2 Dele Cape Velvet
Ys

Kneus kruisement blare en gooi in cocktail shaker saam met mampoer.
Gooi Cape Velvet en ys by
Skud drink en geniet
 

'n Tikkie Humor

Geldmaak op die Internet?? Virseker!

Die Resep

Hier is 'n heel eenvoudige dis wat ek dink selfs ek sal kan maak. Klink na iets wat lekker sal wees waar mens uitkamp
BOELIEBIEF SKYWE

DEEG:
400ml koekmeelblom                      knippie sout
2ml bakpoeier                                110g margarien, gerasper
200ml melk                                    1 eiergeel

VULSEL:
1 blik boeliebief in blokkies gesny (275g)   30ml mayonnaise
2-5ml mosterdpoeier                                   bietjie worcestersous
30ml gekapte pietersielie                            250ml gerasperde Cheddar kaas

Voorverhit die oond tot 200C. Spuit ‘n klein broodpan met kleefwerende middel. Sif die droë bestanddele saam en vryf die margarien met jou vingerpunte in tot goed gemeng. Meng die melk en eiergeel saam en meng by. Die deeg sal slapperig wees. Druk die helfte van die deeg op die bodem van die voorbereide pan vas. Meng die bestanddele vir die vulsel, maar hou eenkant ‘n bietjie gerasperde kaas. Skep bo-oor en maak gelyk. Versprei die res van die deeg oor die vulsel, sprinkel die oorblywende kaas oor en bak sowat 20 minute lank of totdat die kors gaar is. Dien op met blatjang.

Boeremusiekdagboek

Boereraat van die Week

Afrikaanse Lied

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer en die Andeon plotte! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

Druk jou speld op my besoekerskaart!

Kontak - Teken in/uit