Die Peter-jasie Patriot

Nommer 5

'n Passie vir Afrikaans

31 Oktober

Hallo almal!

Ons begin met die storie nan Silver en Dik Anna. Vriendin Wia, stuur nou die dag vir my 'n MP3 van Dik Anna Polka. Op verdere navraag stuur sy toe ook die storie van Dik Anna, hier is die in haar eie woorde, sy tik en Kalie, haar vriend wat 'n boeremusiek kenner is lees voor!

Kalie sit en vertel en ek tik vir hom. So hier's die storie van Dik Anna...

Ons weet nie presies wie Dik Anna was nie - Kalie sê seker maar 'n gesette vriendin van ou Silver. In elk geval Silver De Lange het ongeveer in 1920 begin Boeremusiek speel en het begin plate maak in 1930. Dik Anna is 'n baie gewilde nommer wat deur bykans alle konsertinaspelers gespeel word. Volgens Kalie is dit relatief moeilik om te speel okk.

Silver was sewe jaar lank verloof voordat sy verlowing verbreek is en hy het toe ook nooit tot trou gekom nie. Die meisie aan wie hy verloof was is ook kort na die verlowing verbreek is getroud met iemand anders. Kalie het nou haar naam vergeet. Baie van sy komposisies het dan ook 'n tema wat verband hou met die liefde bv. "Ver in die Vrystaat by jou", "Het jy my nog lief?, " Jy breek by Hart" "Dierbaar is jy" ens. Meeste van hierdie nommers is op die nuwe CD wat Kalie pas gemaak het. So dit lyk asof ou Silver 'n romantiese ou was maar mens sal graag wil wonder waarom hy so lank gewag het om die knoop deur te haak en die meisie naderhand seker moedeloos geword het en toe maar 'n haastiger minnaar gaan soek het... Nou ja as dinge anders verloop het sou sy musiek dalk ook minder gevoelvol gewees het.

Interessant, nè? Vir meer omtrent Boeremusiek, gaan na die skakel regs.
 

'n Tikkie Humor

Kersvees is die moiste tyt van die jaar. Die meeste mense het dan vekansie, 
ek ook. Ons het ook 'n krip in die sitkammer, wat Pa drie weeke voor 
kersvees daar ingebring het en ek en my klyn sissie kan ook help. Baie 
krippe is vevelig maar nie ons sin nie want daar is baie oulike figiere daar in. 

Ek het eenkeer vir Josif en liwe Jesus op die stoof gesit dat hille nie kout 
kry nie toe was dit te warm. Liwe Jesus het swart geword en Josif het 
ytmekaar gebars, een van sy foete het in die deeg in geskiet en dit was nie 
'n mooi gesig nie. Ma was baie kwaat en gese dat nie eers die hyliges 
beskerm word deer my domgeit nie. 

As Maria so sonder man en kind rondstaan lyk dit nie goet nie. Maar ek het 
gelikkag baie figiere in my speelgoedboks en nou is Josif Donald Duck. 
Vir liwe Jesus wou ek vir Asterix vat omdat hy die enigste een is wat so klyn is 
dat hy in die voerbak kan pas maar Ma het gese dat liwe Jesus tog nie 
Asterix kan wees nie dan liewer verbrant is beter. Nou is liwe Jesus swart 
maar nog steets liwe Jesus. Agter liwe Jesus staan twee osse, 'n esel, 'n 
seekoei en 'n brontosauris. 

Die seekoei en die brontosauris het ek self daar ingesit want die osse en 
die esel het so aleenag gelyk. Lings van die stal kom nou net die drie wyse 
manne in. Een van die wyse manne het laas kersvees geval toe Pa hom wou 
skoonmaak nou is hy heeltemal stikkend. Nou het ons net twee wyse manne en 
'n wyse Batman. 

Gewoonlik het die wyse manne baie giskenke vir liwe Jesus soos gout, 
wierrook en pirpir of so iets. Ons sin het in plaas van gout 'n sygstokkiepapierkie wat so mooi blink. Die ander ene het prymtwak in sy hant omdat ons nie wierrook het nie, maar die prymtwak maak ook rook as mens dit aansteek. 
Die wyse Batman het 'n pistool. Dit is nie eintlik 'n goeie giskenk vir liwe Jesus nie, maar daarmee kan hy hom teen die brontosauris beskerm. Agter die drie wyse manne is 'n paar rooihuid indiane en 'n glasengel. Een van die engel se voete is afgebreek, daarom sit hy nou op 'n moterviets sodat dit maklikker is vir hom. Nou kan hy met die moterviets ry as hy nie lis is vir vlieg nie. Regs van die stal het ons vir rooikappie gesit. 
Sy het 'n pizza en drie kaasels (dis nou die bier wat Pa altyt drink) vir ouma saamgebring. 
Ek het nie meer 'n wolf nie, nou loer daar 'n ninja tirtel agter die boom yt in die wolf se plek. 
Daar is nie nog goet in die krip nie, want Ma het gese dis nou genoeg. 

In die aant sit ons die lig aan dan lyk die krip eers regtig moi. Ons sit om die krip en sing kersveesliekies. Pety is baie moi maar die meeste is sommer vevelig. 
As 'n mens weer sien is kersvees veby en sommer die jaar ook. 
Die giskenke is ytgepak en 'n mens kry niks voor paasvees nie behalwe as jy 
voor die tyt vejaar. Maar een ding is veseker: kersvees kom altyt weer. 

Die Resep

Brokkies

Ons word toe mos uitgenooi vir 'n familiekamp een naweek in November. Dan is daar ook nog die gemeentekamp volgende jaar, toe koop ons mos vir ons 'n tent!
Nogal groterig, kan 8 slaap, al is ons net drie, maar die vroumense wil ook alles saamneem, so, nou het ons 'n 8-man tent! Ons besluit toe mos om die ding te probeer opslaan voordat ons gaan kamp, sodat ons darem na ou gesoute kampeerders kan voorkom wanneer dit by tentopslaan kom.  Die instruksies is so duidelik soos skrif in slap modder, maar na 'n lang gesukkel staan die ding. Ons staan so trug en bekyk ons handewerk toe ons opmerk dat daar nog dele tent in die tentsak is! En ons dog ons was klaar!  Ons slaan toe die tent af en geen manier kom dit weer trug in die tentsak nie! Die ou wat dit daar ingekry het verdien 'n medalje!  So, ons sal weer 'n keer probeer voordat die kamp naweek aanbreek, ons sal net moet!

Ek moes lankal Weighless probeer het. Die kos is heel eetbaar en oorgenoeg, sommer 5 keer per dag, net kleiner porsies. Dan is daar die bykomende aansporing dat jou gewigsverlies aldan nie in 'n weeklikse vargadering bekend gemaak word. Na die eerste week verloor ek 3.4 kg!

Elsabe is kliphard besig met die nodige reëlings vor die Kersboom op die 6de Desember. Hou maar die webblad en die Kersboom bladsy dop vir verwikkelinge, skakels hieronder

 (Kersboom en kinders se wenslys) (Die Danville Hulpgroep) (Kersboom)

Kontak - Teken in/uit