Die Peter-jasie Patriot

Nommer 47

'n Passie vir Afrikaans

10 Sept 2004

Wees gegroet!

Hierdie week is die nuusbrief 'n bietjie meer ernstig. Daar is van ons Afrikaners wat regtig swaarkry. Ek is betrokke by die Danville Hulp Groep waar Elsabe en haar span vrywilligers fantastiese werk doen vir die wat minder bevoorreg is. Selfs Steve Hofmeyr het handjie bygesit en met 'n limo daar gaan besoek aflê en die kinders vir ritte om die blok geneem en die ouers moed ingepraat. Mooi so, Steve, ons is trots op jou. Klik hier vir fotos van sy besoek.

Die publiseerders van Afrikaanse e-nuusbriewe is nou besig om 'n databasis saam te stel van Afrikaanse verskaffers van dienste per streek sodat ons ons mense kan ondersteun.

Net laas week het Elsabe 'n noodkreet uitgestuur vir twee wendyhuisies om van ons mense te help wat onder seile gewoon het. Soos gewoonlik is gebede beantwoord en het borge te voorskyn gekom vir die huisies en die mense het alreeds ingetrek.

Ek kry toe ook die volgende noodkreet in my ePos. Dit moet darem regtig moeilik gaan vir iemand om trots in die sak te steek en so 'n brief te skryf. Voor ek besluit het om dit te plaas het ek eers self seker gemaak dat die nood werklik bestaan. Ek kan bevestig dat die dringende nood wel bestaan en dat die persoon desperaat is.. As julle enigsins bereid is om te help, doen dit gerus, hier is die brief:

Ek is nie 'n briefskrywer nie, inteendeel ek kan nie onthou wanneer laas ek 'n brief vir iemand geskryf het nie, maar nadat ek iets in 'n boekie gelees het, het ek besluit om van my te laat hoor. Ek is 'n kind van die Here en bid al langer as 3 jaar vir 'n probleem wat ek het, en kan nie verstaan hoekom my gebed nie verhoor word nie. Die uittreksel uit die boekie lui onder meer dat ons mense moet nader vir hulp. Die Here het mense gebruik om ander te help.

Ek skryf nie hierdie om simpatie te soek nie, ek skryf dit om hulp te soek van my mede ontvanger van hierdie nuusbrief.

Ek is werklik in nood, maar ek is ook teleurgesteld in mense wat nie kan hou by dit wat hulle belowe nie. Jy vertrou op mense se eerlikheid vir dienste gelewer en al wat jy kry is mooi beloftes, mooi wense en verder mooi niks! Ek is teleurgesteld in my eie omstandighede, en is moedeloos, gebreek, hartseer, en as gevolg van alles wat ek nou genoem het, is ek eensaam want mense wil nie betrokke raak by ander se ellende nie.

Geld is nie die begin en einde van geluk nie, maar geld kan vir my na 3 jaar se bekommernis, stres, vrees, ongelukkigheid, slapelose nagte, dalk net 'n paar deure oopmaak na geluk, gesondheid en vreugde.

As daar iemand is wat hierdie brief lees, en in sy/haar hart voel om my eenmalig te ondersteun, sonder dat die welsyn, kerk, FBI en wie ook al ingeroep word, en sonder dat ek eers my hele geskiedenis moet verduidelik sal ek hulle ewig dankbaar wees.

As mense met opregte bedoelings my kontak sal ek my ware identiteit bekend maak en my bankbesonderhede stuur. Om vanselfsprekende redes gebruik ek hier 'n skuilnaam.

Omdat ek nie gereeld toegang het tot die internet nie, kan julle my 'n sms stuur op die volgende selnommer:0729665955 of ePos na psalm25v17@yahoo.com

Catrien

Nou daar het julle dit, dit moes baie moed gekos het om so 'n brief te skryf

Om aan te sluit by die nuusbrief se tema het ek al 'n rukkie terug 'n lysie begin opstel met idees oor hoe om met baie min of geen kapitaal 'n ekstra inkomste van die huis af te verdien. Klik gerus hier en as julle idees kan bylas, doen dit gerus. Ook op die Danville Hulp Groep webwerf het ons begin met 'n bladsy waar dienste aangebied word en mense wat betrekkings soek kan adverteer.

Ek probeer altyd help waar ek kan maar ek help eerder vir ons mense (Afrikaners) as vir "Volksvreemdes" soos Oubaas in 7de Laan dit so goed uitdruk.

Barclaycard is terug, doen aanlyn vir jou kaart aansoek! klik hier

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

'n Tikkie Humor

Die man en vrou eet in die restaurant. 'n Pragtige blondine stap na hul tafel, buk vooroor, soen die man innig, sê vir hom sy sien hom later en stap dan weg.
Sy vrou is boos:"En wie is dit nogal?"
"O", sê die man, "Sy is my skelmpie"
"In daardie geval wil ek 'n egskeiding hê!" sê sy vrou.
"Reg" sê haar man: "maar jy moet onthou dat as ons skei sal daar geen inkopietogte na Parys, geen vakansie in Griekeland, geen Mercedes in die garage en geen gholflesse meer wees nie. Maar die keuse is joune."
Net toe sien sy vrou 'n kennis van hulle die restaurant saam met 'n mooi, onbekende vrou binnekom.
"Wie is daardie vrou by Jim?" vra sy.
"Dis sy skelmpie," antwoord haar man.
"Ons s'n is mooier," sê sy vrou.

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Geldmaak op die Internet?? Virseker!

Is jy 'n skrywer en wil jou meesterstuk publiseer? Ek doen dit vir jou in eBoek-formaat! Die koste verbonde aan so 'n boek is minimaal en dit kan dmv ePos of 'n webwerf wêreldwyd bemark word Kontak my vir besonderhede.

Betaal jy dalk teveel vir jou korttermyn versekering? Klik hier vir 'n vinnige gratis aanlyn kwotasie en kyk hoeveel jy kan spaar. Ek het persoonlik R600 per maand gespaar.

Ek is op soek na 'n paar mense om saam met my hulle eie nes eier op te bou en terselfdertyd 'n ekstra geldjie verdien. Julle het almal al van die Clientele geleentheid gehoor, maar omdat ons nie almal bemarkers is nie het ons bietjie hulp nodig. Kontak my en dan help ons mekaar om 'n sukses hiervan te maak

Klik hier vir meer geldspaar/geldmaak moontlikhede op die internet!!

Die Resep

Hier is nog een van die lipleklekker resepte in Anna Eksteen se resepte eBoek. Klik gerus hier om meer van die eBoeke te lees. 'n Resepte eBoek maak die ideale geskenk, geen posgeld om dit na daardie spesiale persoon selfs in 'n ander land te stuur nie, stuur net per ePos!
Hierdie is vetkoek met 'n lekker verskil, probeer dit gerus! Ek weet nie wie André was nie, maar sy vetkoek is lekker!

ANDRÉ SE VETKOEKIES

375ml ongesif afgemeet koekmeelblom     15ml bakpoeier
10ml suiker                                              5ml sout
500ml gaar koue rys                               410g (1 blik) geroomde suikermielies
125ml melk                                              1 eier
kookolie vir vlak braai

Sif die koekmeelblom, bakpoeier, suiker en sout saam. Vou die rys en suikermielies in die gesifte bestanddele in. Klits die melk en eier saam tot gemeng. Voeg dit by die meelmengsel en maak aan tot ‘n sagte deeg. Skep eetlepelsvol deeg in matig warm kookolie. Braai die vetkoek eers aan die een kant tot goudbruin: dit moenie te vinnig braai nie. Dreineer die gaar vetkoeke op kombuispapier en sit warm voor. Heerlik saam met stroop of heuning.

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting. !!
Knoffelasem - Voeg by 'n kwart glasie melk 'n halwe teelepel vanielje essens, verhit so effens in die mikrogolfoond en drink dit. Klik hier vir nog meer Boererate

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blêrkas van Afrikaanse Volksmusiek

WAAR KRY JY DAARDIE HOED?

Woorde: Tradisioneel
Musiek: S.A. Volkswysie; verwerk: DIRKIE DE VILLIERS

Waar het jy daardie hoed gekry? Dis snaaks om te vermeld:
my oupa het mos doodgegaan, toe kry 'k sy plaas se geld.
Maar noudat hy begrawe is, het hul vir my gesê
dat ek altyd sy hoed moet dra as ek sy geld wil hê.

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

As ek na die konsert toe gaan om mooi musiek te hoor
dan skree hul daar van agter af, al sit ek reg van voor;
en as ek na die sirkus gaan om al die pret te kyk,
die Slamse en die derdeklas, hul skree almal gelyk:

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Skaars was ek agtien jare oud toe wou ek al gaan trou;
die mense sê die vryery het lank genoeg gehou.
Ons loop toe gou-gou na die kerk, die mooiste paar in 't land;
maar net toe ons die kerk inkom toe sê die predikant:

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Die anderdag om kwart-oor-een stap ek die straat hier af;
maar elke hond wat my sien stap, die wil net vir my blaf.
En, ag, daar kom die skool net uit, die hele kinderspan,
hul hardloop my toe agterna en skree so hard hul kan:

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Die anderdag is ek genooi na Piet Joubert se huis.
Die President was ook net daar, sy vroutjie bly maar tuis.
En julle sal my net nie glo hoe bly was ek dié dag
toe President met my kom praat, toe sê hy: "O, my mag!

[REFEIN]
"Waar kry jy daardie hoed, waar kry jy daardie keil?
Dis 'n alte mooie hoed, ek wil graag met jou ruil.
'k Wil vir my ook so een kry, gemaak van dieselfde goed."
Net waar ek draai, hulle skree: "Haai, haai!
Waar kry jy daardie hoed?"

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

Potjiekoskompetisies, reëls en beoordeling! Klik hier!

Ek versamel yskasmagnete van buite Suid Afrika, kontak my en dan ruil ons uit!

op my webwerf

Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes

Ek sal enige terugvoer en/of voorstelle waardeer!. dankie - Peter

Druk jou speld op my besoekerskaart!

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: