Die Peter-jasie Patriot

Nommer 13

'n Passie vir Afrikaans

2 Januarie

Dagsê!

Ja-nee, swaer, hier's ons weer aan die begin van 'n nuwe jaar. Wonder wat dit alles vir ons almal gaan inhou? Wat gaan die Rand maak? Gaan oom Manuel  weer belastingverligting gee? Hoeveel biljoene gaan nog op Vigs voorkoming gemors word? Gaan Mbeki vir 'n verandering tuisbly en die land probeer regeer? Hoe lank gaan Mugabe nog aan bewind wees? Ons sal maar moet sien!  Wanneer gaan ons hier in Johannesburg water beperkings kry?

Afgesien van bogenoemde gaan alles nog voor die wind! Ons dink daaraan om 'n verandering te maak en êrens in die Kaap te gaan hervestig. Ons het niks wat ons hier hou nie en dis nou tyd vir 'n verandering. Ons gaan Januarie af Kaap toe en gaan bietjie rondkyk. Meer hieroor later.

Waarna sien ek uit in 2004? Ons Kaap vakansie in Januarie, die gemeente kamp in Februarie (die tent word weer gebruik), Nianell se nuwe CD behoort in 2004 vrygestel te word (kan nie wag nie). Meer betrokke raak by die Danville Hulpgroep en ons Laatoes Omgeegroep. Hmmm, kan nie nou aan meer dink nie, o ja, reg eet en baie oefeninge doen, natuurlik!

Voor ek vergeet, ek wens julle almal 'n Geseënde en Veilige Nuwe Jaar toe!

'n Tikkie Humor

Kallie het met Mike gepraat omdat hy dikwels so dikvellig is. Mike
het beloof om te verbeter. Nie lank daarna nie kry Mike dit gereël
om by 'n meisie te gaan kuier. 'n Uur later is hy weer terug by
Kallie. 'Hoekom is jy so vroeg terug?' wil Kallie weet, 'Was jy weer
dikvellig en toe jaag sy jou weg?' 'Nee,' antwoord Mike, 'Ek was
juis sensitief. Ons het net 'n rukkie gesit, toe begin sy van die ligte
afskakel. Toe weet ek dis nou tyd vir my om te loop.'

Die Belg hoor hy is verplaas na Suid-Afrika en is baie ontsteld
daaroor, want hy het gehoor van al die moorde, diefstal en
skakings. Toe hy agterkom die ou wat langs hom in die kroeg sit, is
'n Suid-Afrikaner, vra hy hom dadelik uit. 'Nee, man, ou pel,' sê
die Suid-Afrikaner, 'Suid-Afrika is 'n lekker plek om te bly. Jy kan
gratis vir jou 'n huis enige plek gaan opslaan, jy hoef nie te kan
lees en skryf om matriek te slaag nie, en as jy jou werk verloor sluit
jy aan by die ANC en word 'n parlementslid.' 'En,' vra die Belg,
'wat voor werk doe je?' 'O, ek?' sê die Suid-Afrikaner, 'Ek is die
rear gunner op 'n broodafleweringswa.' 

Die Resep

Brokkies

Die Danville Hulpprojek staan nie stil nie, en Elsabe is alweer kliphard aan die werk. Dis binnekort weer terug skool toe en die kinders het skoolgoeters en klere nodig. Ons het die Kersboom op videoband en ek is seker Elsabe sal een in die pos gooi as jy bereid is om 'n klein ou donasietjie te maak:-) Die dag se gebeure is ook op CD en DVD beskikbaar, natuurlik vit 'n effens groter donasietjie! Kontak vir Elsabe deur die skakels hieronder.

 (Die Danville Hulpgroep) (Kersboom)

Druk jou speld op my besoekerskaart!

Kontak - Teken in/uit